«مانچەستەر يۋنايتەد»-ءتىڭ 36 جاستاعى جۇلدىزدى فۋتبولشىسى كريشتيانۋ رونالدۋ ۇلىبريتانيانىڭ ۋيلمسلوۋ قالاسىندعى Shell دەپ اتالاتىن جانارماي بەكەتىندە بەنزيننىڭ تاپشىلىعىنان 7 ساعات بويى كەزەكتە كوپشىلىكپەن بىرگە تۇرىپ قالدى.
جانارماي بەكەتىندەگى كەپتەلىس پەن قاربالاستىڭ سوڭى ءساتسىز اياقتالىپ، كريشتيانۋ رونالدۋ Bentley Flying Spur كولىگىنە بەنزين قۇيا الماي، كەرى قايتتى. ونىڭ جانىندا كۇزەتشىسى دا Range Rover كولىگىمەن بىرگە جۇرگەن.
بۇل كورىنىستى كوزبەن كورگەندەر اتاقتى فۋتبولشىنى تەزدەتىپ كامەرامەن سۋرەتكە ءتۇسىرىپ، عالامتورعا، الەۋمەتتىك جەلىلەرگە تاراتىپ جىبەردى. كوزبەن كورگەندەردىڭ ايتۋىنشا، كريشتيانۋ رونالدۋ Bentley Flying Spur كولىگىن ءوزى جۇرگىزىپ، جانارماي بەكەتىنە كەلىپتى. Bentley Flying Spur كولىگىنىڭ قازىرگى نارىقتاعى باعاسى 3 ميلليون دوللاردان اسادى.
ۇلىبريتانياداعى جانارماي بەكەتتەرىندەگى جانارماي تاپشىلىعىنان قازىرگى ۋاقىتتا تەك قانا قاراپايىم تۇرعىندار ەمەس، بەلگىلى ادامدار دا قيىنشىلىق كورىپ جاتىر دەپ حابارلادى The Sun اقپاراتتىق پورتالى.
«ادىرنا» ۇلتتىق پورتالى
