قازاقستانداعى ءورت سالدارىنان فرانتسياعا قاراعاندا 27 ەسە كوپ ادام قازا تاپقان. مۇنداي ستاتيستيكانى قر توتەنشە جاعدايلار ءمينيسترى يۋري يلين ۇكىمەت وتىرىسىندا ۇسىندى، دەپ حابارلايدى “ادىرنا” ۇلتتىق پورتالى.
«ەگەر قازاقستان رەسپۋبليكاسىندا ءاربىر 36 ورتتە ادام ءولىمى تىركەلسە، اقش -تا بۇل كورسەتكىش 10 ەسە از، 360 ورتتە ءبىر ادام، ۇلىبريتانيادا 14 ەسە، فرانتسيادا 27 ەسە، - دەدى يلين.
ونىڭ ايتۋىنشا، قازاقستاندا جىل باسىنان بەرى 7515 ءورت تىركەلدى، 251 ادام قايتىس بولدى، 217 كۇيىك پەن ءار ءتۇرلى دارەجەدەگى ۋلانۋ ەسەپكە الىندى. 2020 جىلدىڭ سايكەس كەزەڭىمەن سالىستىرعاندا ءولىم سانى 20%-عا، جاراقات العاندار 18%-عا ءوستى. بۇل رەتتە ءورتتىڭ جالپى سانى 7%-عا ازايدى.
سونداي -اق، ءيليننىڭ ەسەبىنە سايكەس، بيىل تۇرعىن ءۇي سەكتورىندا 4371 -دەن استام ءورت بولعان. بۇل ءورتتىڭ جالپى سانىنىڭ 58%-ىن قۇرايدى.
ەڭ قيىن جاعدايلار-سولتۇستىك قازاقستان، اقمولا، شىعىس قازاقستان جانە قوستاناي وبلىستارىندا تىركەلدى. وندا ءورت پەن ءولىم سانى رەسپۋبليكالىق كورسەتكىشتەن 2-3 ەسەگك اسىپ تۇسەدى.
«عىلىمي زەرتتەۋلەر بويىنشا، ءورت جاعدايلارىنداعى ادام ءولىمى ادەتتە، ول سول جەردەۇ شىققاننان كەيىن 5-6 مينۋت ىشىندە بولادى»،-دەدى مينيستر.
جاۋاپ بەرۋ ۋاقىتىن قىسقارتۋ ءۇشىن، يلين اتقارىلىپ جاتقان جۇمىستار رەتىن اتادى. ورتكە قارسى قىزمەت وبەكتىلەرىنىڭ جەلىلەرىن كەڭەيتىلىپ جاتقاندىعىن، 18 ورتكە قارسى قىزمەت وبەكتىلەرىن سالۋدى جالعاستىرۋدى - ولاردىڭ ۇشەۋى رەسپۋبليكالىق بيۋدجەت ەسەبىنەن، 15-ءى اكىمدىكتەن ەكەنىن حابارلادى. رەسپۋبليكالىق بيۋدجەتتەن جالپى قۇنى 2,4 ملرد تەڭگە بولىنگەن.
وتكەن اپتادا ەلوردادا «قازاقمىس» عيماراتىنىڭ توبەسى ورتكە وراندى. سونداي-اق،تۇرعىن ءۇي كەشەندەرىنىڭ بىرىندە ءتۇتىن تىركەلدى. الماتىداعى باراحولكادا دا ءورت بولدى.
ءبىر اپتا بۇرىن الماتىدا ۇلكەن ءورت قالانىڭ تاريحي اۋدانىنداعى ءۇيدى شارپىعان بولاتىن.
“ادىرنا” ۇلتتىق پورتالى
