Qazaqstandaǵy órt saldarynan Franııaǵa qaraǵanda 27 ese kóp adam qaza tapqan. Mundaı statıstıkany QR tótenshe jaǵdaılar mınıstri Iýrıı Ilın úkimet otyrysynda usyndy, dep habarlaıdy “Adyrna” ulttyq portaly.
«Eger Qazaqstan Respýblıkasynda árbir 36 órtte adam ólimi tirkelse, AQSh -ta bul kórsetkish 10 ese az, 360 órtte bir adam, Ulybrıtanııada 14 ese, Franııada 27 ese, - dedi Ilın.
Onyń aıtýynsha, Qazaqstanda jyl basynan beri 7515 órt tirkeldi, 251 adam qaıtys boldy, 217 kúıik pen ár túrli dárejedegi ýlaný esepke alyndy. 2020 jyldyń sáıkes kezeńimen salystyrǵanda ólim sany 20%-ǵa, jaraqat alǵandar 18%-ǵa ósti. Bul rette órttiń jalpy sany 7%-ǵa azaıdy.
Sondaı -aq, Ilınniń esebine sáıkes, bıyl turǵyn úı sektorynda 4371 -den astam órt bolǵan. Bul órttiń jalpy sanynyń 58%-yn quraıdy.
Eń qıyn jaǵdaılar-Soltústik Qazaqstan, Aqmola, Shyǵys Qazaqstan jáne Qostanaı oblystarynda tirkeldi. Onda órt pen ólim sany respýblıkalyq kórsetkishten 2-3 esegk asyp túsedi.
«Ǵylymı zertteýler boıynsha, órt jaǵdaılaryndaǵy adam ólimi ádette, ol sol jerdeú shyqqannan keıin 5-6 mınýt ishinde bolady»,-dedi mınıstr.
Jaýap berý ýaqytyn qysqartý úshin, Ilın atqarylyp jatqan jumystar retin atady. Órtke qarsy qyzmet obektileriniń jelilerin keńeıtilip jatqandyǵyn, 18 órtke qarsy qyzmet obektilerin salýdy jalǵastyrýdy - olardyń úsheýi respýblıkalyq bıýdjet esebinen, 15-i ákimdikten ekenin habarlady. Respýblıkalyq bıýdjetten jalpy quny 2,4 mlrd teńge bólingen.
Ótken aptada elordada «Qazaqmys» ǵımaratynyń tóbesi órtke orandy. Sondaı-aq,turǵyn úı keshenderiniń birinde tútin tirkeldi. Almatydaǵy baraholkada da órt boldy.
Bir apta buryn Almatyda úlken órt qalanyń tarıhı aýdanyndaǵy úıdi sharpyǵan bolatyn.
“Adyrna” ulttyq portaly
