ەلوردادا ەكىنشى رەت ۇيىمداستىرىلعان بەيسەن قۇرانبەك اتىنداعى «جىگەر» بايقاۋىنىڭ جۇلدەگەرلەرى انىقتالىپ، ماراپاتتالدى، دەپ حابارلايدى "ادىرنا" ۇلتتىق پورتالى.
- قىسقا عۇمىرىندا ۇلتتىق جۋرناليستيكانىڭ دامۋىنا ولشەۋسىز ۇلەس قوسقان بەيسەن قۇرانبەكتىڭ ەسىمى قانداي قۇرمەتكە دە لايىق. سوندىقتان ونىڭ جارقىن بەينەسىن ەستە ساقتاۋ جانە جۋرناليستيكاداعى جولى جاستارعا ۇلگى بولسىن دەگەن نيەتپەن بىلتىردان باستاپ وسىنداي بايقاۋدى قولعا الدىق. بۇل كونكۋرسقا قاتىسىپ، ونىڭ جۇلدەسىن جەڭىپ الۋ – كىم-كىمگە دە ۇلكەن ماقتانىش، بيىك جەتىستىك دەپ بىلەمىن. اسىرەسە جۋرناليستيكاداعى جاس بۋىنعا جىگەر بەرەتىن، ونەگە بولاتىن ۇلگىلى جول، - دەيدى قر اقپارات جانە قوعامدىق دامۋ ءمينيسترى ايدا بالاەۆا.
سونداي-اق مينيستر بەيسەن قۇرانبەكتىڭ ەلىمىزدەگى الەۋمەتتىك جۋرناليستيكانى قالىپتاستىرىپ، دامۋىنا كوپ ەڭبەك سىڭىرگەنىنە توقتالىپ، بيىلعى بايقاۋ – «الەۋمەتتىك تاقىرىپتاعى ۇزدىك تەلەباعدارلاما» نوميناتسياسى بويىنشا وتكەندىگىن اتاپ ءوتتى.
- بايقاۋعا رەسپۋبليكالىق جانە ايماقتىق تەلەارنالاردان 100-گە جۋىق ءوتىنىش ءتۇستى. سونىڭ ىشىندە، ءىرى رەسپۋبليكالىق تەلەارنالارمەن قاتار، «جەتىسۋ»، «تۇركىستان»، «Aqtobe»، «Caspian News» سياقتى وڭىرلىك وڭىرلىك تەلەارنالارىنىڭ جۋرناليستەرى دە قاتىستى. كاسىبي مامانداردان قۇرالعان ءادىل-قازىلار القاسى ءوز شەشىمىن شىعاردى. بارلىق نوميناتتاردى جەڭىپ العان جۇلدەگەرلەرىمەن شىن جۇرەكتەن قۇتتىقتايمىن،- دەپ جازدى ايدا بالاەۆا الەۋمەتتىك جەلىدەگى پاراقشاسىندا.
بەيسەن قۇرانبەك اتىنداعى «جىگەر» بايقاۋىنىڭ جەڭىمپازدارى:
ءى ورىن Jetisy تەلەارناسىنىڭ رەداكتورى ءسانيا بايتاروۆا
ءىى ورىن Aqtobe تەلەارناسىنىڭ رەداكتورى ەرلان مۇقانوۆ
ءىىى ورىن «Qazsport» تەلەارناسىنىڭ رەداكتورى ينديرا بەكتەنوۆا
ايتا كەتەيىك، بۇگىن باستالعان AMW-2021 بارىسىندا حالىقارالىق مەدياقاۋىمداستىق مۇشەلەرى اقپاراتتىق كۇن ءتارتىبىنىڭ وزەكتى ماسەلەلەرىن كوتەردى. ءىس-شاراعا الەمدىك باق-تىڭ توپ-مەنەدجەرلەرى، مەملەكەتتىك اپپارات وكىلدەرى، تانىمال جۋرناليستەر، دوكۋمەنتاليستەر جانە اقش، ۇلىبريتانيا، رەسەي، قازاقستان، وزبەكستان، قىرعىزستان بلوگەرلەرى قاتىسىپ جاتىر.
"ادىرنا" ۇلتتىق پورتالى
