ستەنفورد ۋنيۆەرسيتەتى مەن چاپەل حيللدەگى سولتۇستىك كارولينا ۋنيۆەرسيتەتىنىڭ عالىمدارى ينەكتسيا ەگۋدەن گورى جوعارى دەڭگەيدە قورعانىستى قامتاماسىز ەتەتىن 3D-پرينتەردە باسىپ شىعارىلعان ۆاكتسينا-پلاستىر ويلاپ تاپتى دەپ حابارلايدى "ادىرنا" ۇلتتىق پورتالى.
بۇل تۋرالى سولتۇستىك كارولينا ۋنيۆەرسيتەتىنىڭ سايتى مالىمدەدى.
ۇلتتىق عىلىم اكادەمياسىنىڭ عالىمدار توبىندا جاريالانعان جانۋارلارعا جۇرگىزىلگەن زەرتتەۋگە سايكەس، ۆاكتسينادان الىنعان يممۋندىق جاۋاپ ادامنىڭ قول بۇلشىقەتىنە ەنگىزىلگەن ەكپەدەن 10 ەسە كۇشتى بولدى. بۇل پلاستىردىڭ باسقا ەمدىك پلاستىرلاردان باستى ايىرماشىلىعى - پوليمەرلى سۋبستراتتا 3D-پرينتەردە باسىلعان ينەلەردىڭ بولۋى، ولاردىڭ ۇزىندىعى تەرىگە جەتىپ، ءدارىنى جەتكىزۋگە جەتكىلىكتى.
"بۇل تەحنولوگيانى دامىتا وتىرىپ، ءبىز ۆاكتسينا يندۋسترياسىن تەزىرەك دامىتۋعا نەگىز سالامىز دەپ ۇمىتتەنەمىز، ونى از دوزادا، اۋىرتپالىقسىز جانە الاڭداۋشىلىقسىز قولدانۋعا بولادى", - دەيدى زەرتتەۋ جەتەكشىسى دجوزەف م. دەسيموۋن.
ۆاكتسينا-پلاستىردى قولدانۋ وڭاي، ءتيىمدى، اۋىرتپالىقسىز، ينە شانشۋعا قاراعاندا ول از ءينۆازيۆتى جانە وزدىگىنەن ەنگىزۋگە بولادى. پلاستىر 3D فورماتتا باسىپ شىعارىلعاندىقتان، تۇماۋعا، قىزىلشاعا، گەپاتيتكە، COVID-19-عا نەمەسە باسقا اۋرۋلارعا قارسى ۆاكتسينالارعا ارنالعان ينەلەردىڭ ناقتى نۇسقاسىن تابۋ قيىن بولمايدى.
زەرتتەۋ ناتيجەلەرى كورسەتكەندەي، ۆاكتسينا-پلاستىر تەرى استىنا ەنگىزگەن ينەكتسيادان گورى 50 ەسە جوعارى ت-جاسۋشاسى مەن انتيگەنگە ءتان انتيدەنەلەر رەاكتسياسىن تۋدىرعان.
"ادىرنا" ۇلتتىق پورتالى.
