23 قىركۇيەكتە الماتى قالاسىنىڭ مامانداندىرىلعان تەرگەۋ سوتى 5 ادامدى ولتىرگەن يگور دۋجنوۆقا قاتىستى بۇلتارتپاۋ شاراسىن تاڭدادى، دەپ حابارلايدى «ادىرنا» ءتىلشىسى.
كۇدىكتى سوتتى جابىق وتكىزۋدى سۇراپ، ءوز ىسىنە وكىنەتىنىن جەتكىزدى.
«ءوز ءۇيىمدى، وتباسىمدى، بالالارىمدى قورعاي وتىرىپ، نە ىستەپ جاتقانىمدى تۇسىنبەي، اففەكت كۇيىندە وسى ارەكەتكە باردىم. وكىنەمىن. قۇرمەتتى سوت، مەن جاۋاپ بەرۋدەن باس تارتامىن، ەشتەڭە ايتا المايمىن. قازىردىڭ وزىندە ءوزىمدى ناشار سەزىنەمىن»،– دەدى ول.
الايدا دۋجنوۆتىڭ ءوتىنىشى قاناعاتتاندىرىلۋسىز قالدىرىلدى.
سۋديا ءجانابىل اقىنوۆ ونى ەكى اي مەرزىمگە قاماۋعا الۋ تۋرالى قاۋلى شىعاردى.
ايتا كەتەيىك، قازىرگى تاڭدا وقيعاعا بايلانىستى «ادام ءولتىرۋ» جانە «بيلىك وكىلىنە كۇش قولدانۋ» باپتارى بويىنشا قىلمىستىق ءىس قوزعالدى.
«ادىرنا» ۇلتتىق پورتالى
