23 qyrkúıekte Almaty qalasynyń mamandandyrylǵan tergeý soty 5 adamdy óltirgen Igor Dýjnovqa qatysty bultartpaý sharasyn tańdady, dep habarlaıdy «Adyrna» tilshisi.
Kúdikti sotty jabyq ótkizýdi surap, óz isine ókinetinin jetkizdi.
«Óz úıimdi, otbasymdy, balalarymdy qorǵaı otyryp, ne istep jatqanymdy túsinbeı, affekt kúıinde osy áreketke bardym. Ókinemin. Qurmetti sot, men jaýap berýden bas tartamyn, eshteńe aıta almaımyn. Qazirdiń ózinde ózimdi nashar sezinemin»,– dedi ol.
Alaıda Dýjnovtyń ótinishi qanaǵattandyrylýsyz qaldyryldy.
Sýdıa Janábil Aqynov ony eki aı merzimge qamaýǵa alý týraly qaýly shyǵardy.
Aıta keteıik, qazirgi tańda oqıǵaǵa baılanysty «Adam óltirý» jáne «Bılik ókiline kúsh qoldaný» baptary boıynsha qylmystyq is qozǵaldy.
«Adyrna» ulttyq portaly
