2020 جىلدان باستاپ قوستاناي وبلىسى»جاس مامان» رەسپۋبليكالىق جوباسىنىڭ قاتىسۋشىسى بولىپ تابىلادى (2020 جىلدان باستاپ ول ءۇش كوللەدجدە، 2021 جىلى ءوڭىردىڭ تاعى جەتى كوللەدجىندە ىسكە اسىرىلادى), ونىڭ نەگىزگى ماقساتى - 180 كوللەدج بەن 20 جوو-نى نەعۇرلىم سۇرانىسقا يە 100 ماماندىق بويىنشا جاڭعىرتۋ جانە بىلىكتى ماماندار دايارلاۋدىڭ حالىقارالىق تاجىريبەسىن ەنگىزۋ.
يننوۆاتسيالىق جابدىقپەن جاراقتاندىرۋدىڭ ارقاسىندا كوللەدجدەردە 16 زەرتحانا، 8 شەبەرحانا جانە جاڭا موديفيكاتسياداعى 2 كابينەت اشىلادى، بۇل ءبىزدىڭ وبلىستىڭ تجكب جۇيەسىندە كادرلار دايارلاۋ ساپاسىن جاقسارتۋعا مۇمكىندىك بەرەدى.
جوبا تجكب ۇيىمدارىنىڭ باسشىلارى، ورىنباسارلارى، ادىسكەرلەرى مەن پەداگوگتەرى ءۇشىن بىلىكتىلىكتى ارتتىرۋ كۋرستارىن وتكىزۋدى دە كوزدەيدى.
ءوڭىردىڭ التى پەداگوگى «جاس مامان» جوباسى اياسىندا ترەنەرلەر رەتىندە ىرىكتەۋدەن ءوتتى.
1 بوقاەۆا مارال مەندىباەۆنا - تجكب ادىستەمەلىك كابينەتى
2 ۋتەگەنوۆا گۇلنارا ماراتوۆنا- تجكب ادىستەمەلىك كابينەتى
3 تەرنوۆايا ولگا ۆالەرەۆنا-قوستاناي قۇرىلىس كوللەدجى
4 مۇحامەدراحيموۆ ەسيلباي بارلىباەۆيچ-قوستاناي قۇرىلىس كوللەدجى
5 تايجانوۆا اينا قازيەۆنا-جىتىقارا پوليتەحنيكالىق كوللەدجى
6 قايپباەۆا جۇلدىز شاميلەۆنا-قوستاناي جوعارى پوليتەحنيكالىق كوللەدجى
اعىمداعى جىلعى 26 شىلدە مەن 4 تامىز ارالىعىندا وبلىستىڭ 5 ترەنەرى قازاقستاننىڭ بارلىق وڭىرلەرىنەن كەلگەن بىلىكتىلىكتى ارتتىرۋ كۋرستارىنا 50 قاتىسۋشى قاتارىنان وقۋدان ءوتىپ، كۋرستاردان ءوتۋ قورىتىندىسى بويىنشا 4 بلوكتان تۇراتىن جوبالار قورعادى:
1. اككرەديتتەۋدەن ءوتۋدىڭ جول كارتاسى جوباسىن ازىرلەۋ ناتيجەلەرىن كورسەتۋ
2.تجكب ۇيىمىنىڭ ستراتەگيالىق دامۋ جوسپارىنىڭ جوباسىن ازىرلەۋ ناتيجەلەرىن كورسەتۋ
3. SopranoGroup (فينليانديا) ازىرلەگەن وقۋ جۇمىس جوسپارىنىڭ جوباسىن جانە ءبىلىم بەرۋ باعدارلامالارى نەگىزىندە باعدارلامانى ازىرلەۋدى كورسەتۋ
4. قاشىقتىقتان وقىتۋدا اقپاراتتىق تەحنولوگيالاردى قولدانا وتىرىپ، دەمونستراتسيالىق ساباقتىڭ جەكە جوبالارى.
كۋرستىق دايارلىقتىڭ ءبىرىنشى كەزەڭىنەن ءساتتى وتكەن قاتىسۋشىلار ەكىنشى كەزەڭگە وتەدى، وندا ترەنەرلەردە حالىقارالىق ستاندارتتاردى ەنگىزۋ، «جاس مامان» جوباسى شەڭبەرىندە كادرلار دايارلاۋ باعدارلامالارىن جاڭارتۋ بويىنشا بىلىكتەر مەن داعدىلاردى قالىپتاستىرۋ ماقساتىندا شەتەلدىك ساراپشىلار كۋرستاردى جۇرگىزەتىن بولادى. كۋرستىق دايىندىق اياقتالعاننان كەيىن اعىمداعى جىلدىڭ قىركۇيەك – قاراشا ارالىعىندا ترەنەرلەر «جاس مامان» جوباسىنا قاتىساتىن قازاقستان وڭىرلەرىنەن كوللەدج پەداگوگتەرىن وقىتاتىن بولادى (قوستاناي وبلىسى - 110 پەداگوگ: ديرەكتورلار، ورىنباسارلار، اعا ماتەرلەر، بولىمشە مەڭگەرۋشىلەرى قاتارىنان 50 ادام جانە پەداگوگتار مەن شەبەرلەر قاتارىنان 60 ادام).
بۇل جوبا رەسپۋبليكامىزداعى كوللەدجدەردىڭ دامۋ تراەكتورياسىن وزگەرتەدى جانە بولاشاقتا نارىقتى جوعارى بىلىكتى ماماندارمەن قامتاماسىز ەتەدى دەپ ۇمىتتەنەمىز.
