توتەنشە جاعدايلار مينيسترلىگى ورتكە قارسى قىزمەت كوميتەتىنىڭ دەپارتامەنت باستىعى الماتىداعى ەسكى ۇيلەردە ءجيى ءورت شىعۋىنىڭ بىرنەشە سەبەبىن ايتتى، - دەپ حابارلايدى “ادىرنا” ۇلتتىق پورتالى.
توتەنشە جاعدايلار مينيسترلىگى ەلدەگى ءورت قاۋىپسىزدىگى بويىنشا بريفينگ كەزىندە جۋرناليست “نەگە الماتىنىڭ ەسكى ورتالىعىندا ءورت ءجيى ورىن الادى، سودان كەيىن بۇل ورتەنگەن ۇيلەردىڭ ورنىنا جاڭا ءزاۋلىم ۇيلەر سالىنۋدا دەپ سۇرادى.
«بۇل كەزدەيسوقتىق پا، الدە بىرەۋ مۇنى ادەيى ىستەدى مە، بۇل تۋرالى بىرجاقتى ايتۋ مۇمكىن ەمەس. مۇنداي فاكتىلەر بويىنشا قۇقىق قورعاۋ ورگاندارى دا تەرگەۋ جۇرگىزىپ جاتىر. بۇل ۇيلەر كەڭەستىك كەزدە 50 -ءشى جىلدارى سالىنعان.
ەگەر بۇرىن قاراپايىم پاتەردە توڭازىتقىش پەن تەلەديداردان باسقا ەلەكتر قۇرىلعىلارى بولماسا، قازىر پليتكالاردىڭ بارلىق تۇرلەرى، ميكروتولقىندى پەشتەر، كومپيۋتەرلەر، زاريادتاعىشتار، كەپتىرگىشتەر بار.
ەلەكتر جەلىلەرى بارلىق جەردە توتەپ بەرە المايدى، ناتيجەسىندە ءورت شىعادى »، - دەدى تجم ورتكە قارسى قىزمەت كوميتەتىنىڭ باستىعى ەرلان تورەگەلديەۆ.
توتەنشە جاعدايلار مينيسترلىگىنىڭ مالىمەتىنشە، بيىلعى جىلى ءورتتىڭ ءجيى كەزدەسكەن سەبەبى (34%) ەلەكتر قوندىرعىلارىنىڭ بۇزىلۋى ەكەن.
”ادىرنا” ۇلتتىق پورتالى
