«شەۆرون» COVID-19 ىندەتىمەن كۇرەستى قولداۋ اياسىندا قازاقستاننىڭ مەديتسينالىق مەكەمەلەرىنە التى كومپيۋتەرلىك توموگرافتى تابىستادى

3464
Adyrna.kz Telegram

قازاقستان رەسپۋبليكاسىنا كوروناۆيرۋس پاندەمياسىمەن كۇرەسۋگە گۋمانيتارلىق كومەك كورسەتۋ بويىنشا كەڭ اۋقىمدى باعدارلاماسىنىڭ اياسىندا، «شەۆرون» كومپانياسى ەلدىڭ مەديتسينالىق مەكەمەلەرىنە Aquilion PRIME SP سەريالى التى كومپيۋتەر توموگرافىن ساتىپ الىپ، تەگىن تابىس ەتتى.  بۇگىن ا.ن. سىزعانوۆ اتىنداعى ۇلتتىق حيرۋرگيا عىلىمي ورتالىعىندا وسى جابدىقتى قر دەنساۋلىق ساقتاۋ ءمينيسترى الەكسەي تسويدىڭ قاتىسۋىمەن وسى جابدىقتى تابىستاۋ ءراسىمى ءوتتى.

قازاقستان رەسپۋبليكاسى دەنساۋلىق ساقتاۋ مينيسترلىگى بەلگىلەگەن قاجەتتىلىكتەرگە سايكەس جاڭا جابدىق كەلەسى مەديتسينالىق مەكەمەلەردە ورناتىلعان:

قازاق ونكولوگيا جانە راديولوگيا عىلىمي زەرتتەۋ ينستيتۋتى (الماتى),
ا.ن. سىزعانوۆ اتىنداعى ۇلتتىق حيرۋرگيا عىلىمي ورتالىعى (الماتى),
قاراعاندى مەديتسينالىق ۋنيۆەرسيتەءتى,
«شىمكەنت جۇرەك ورتالىعى» اق،
جامبىل وبلىستىق كوپ سالالى بالالار اۋرۋحاناسى(تاراز),
مارات وسپانوۆ اتىنداعى باتىس قازاقستان مەديتسينالىق ۋنيۆەرسيتەتى (اقتوبە).

مەديتسينالىق جابدىقتى تابىس ەتۋ راسىمىندە «شەۆرون» كومپانياسى ەۋرازيا بولىمشەسىنىڭ باس ديرەكتورى دجون بالتتس بىلاي دەدى: «شەۆرون» كورپوراتسياسىنىڭ اتىنان مەن وسى جوعارى تەحنولوگيالىق جابدىقتى قازاقستان اۋرۋحانالارى مەن ەمحانالارىنا قۋانىشپەن تابىس ەتەمىن. ءبىز قازاقستان ەلىمەن 30 جىلعا جۋىق ۋاقىت بويى سەنىمدى جانە تابىستى سەرىكتەستىك قارىمقاتىناستامىز. وسى ۇلەسىمىز ارقىلى ادامداردى قورعاۋدى جالعاستىرامىز جانە قازاقستانىڭ COVID-19 تارالۋىنا قارسى كۇرەستەگى قاجىرلى كۇش-جىگەرىن قولدايمىز دەپ ۇمىتتەنەمىز».

ءوز تاراپىنان دەنساۋلىق ساقتاۋ ءمينيسترى الەكسەي تسوي: «شەۆرون» كومپانياسى الەۋمەتتىك جاۋاپكەرشىلىگىن بىرنەشە رەت كورسەتە ءبىلدى. سىزدەرگە ەلىمىزگە كورسەتكەن گۋمانيتارلىق كومەك جانە ءدارى-دارمەك بەرگەنىڭىز ءۇشىن العىس ايتقىم كەلەدى. بەرىلگەن دارىلىك زاتتار، جقق جانە جابدىقتار قازاقستاندا پاندەميامەن كۇرەسۋگە جانە الدىن الۋعا ۋاقىتىلى كومەك كورسەتەدى».

Aquilion PRIME SP - بۇل Canon Medical Systems كومپانياسى شىعارعان كوپ قيىقتى، 80-قاتارلى دەتەكتورى بار سپيرالدىك كومپيۋتەرلىك توموگراف. اينالۋدىڭ جوعارى جىلدامدىعى دەرەكتەردى جىلدام الۋعا مۇمكىندىك بەرەدى، سكانەرلەۋ ۋاقىتىن ازايتادى، ال جىلدام رەكونسترۋكتسيا جۇمىس ونىمدىلىگىن ارتتىرىپ، دياگنوزدى جىلدامىراق قويۋعا كومەكتەسەدى.

انىقتاما ءۇشىن:

سوڭعى 18 ايدا دەنساۋلىق ساقتاۋ مينيسترلىگى مەن «شەۆرون» كومپانياسى ەلگە پاندەميا ءورشىپ تۇرعان كەزدە قاجەتتى دارىلىك زاتتار مەن جابدىقتى انىقتادى. «شەۆرون» كەلەسى دارىلىك زاتتاردى جەتكىزۋدى ۇيىمداستىردى:

14 ميلليون دوزاسى بار 17 دارىلىك زاتتار,
400,000 جەكە قورعانىس قۇرالدارى جيىنتىعىن (جقق),
15 ميلليون قولعاپ،
1,5 ميلليون شپريتس.  

سونىمەن قاتار ICAP قازاقستان (كولۋمبيا ۋنيۆەرسيتەتىنىڭ قوعامدىق دەنساۋلىق ساقتاۋ مەكتەبى)ءجانە قر قوعامدىق دەنساۋلىق ساقتاۋ ورتالىعىمەن بىرگە «شەۆرون» ينفەكتسيالىق اۋرۋلاردىڭ الدىن الۋ جانە ەمدەۋ بويىنشا دارىگەرلەردى جانە مەديتسينا مەكەمەلەرىن دايىنداۋ بويىنشا كەشەندىك باعدارلاماسىن باستادى.

پىكىرلەر