"تاليبان" راديكالدى ۇيىمى وزبەك ءتىلىن اۋعانستانداعى رەسمي مارتەبەسىنەن ايىراتىن ۋاقىتشا زاڭ شىعاردى دەپ حابارلايدى "ادىرنا" ۇلتتىق پورتالى "ريا نوۆوستيگە" سىلتەمە جاساپ.
"نەگىزدەر" دەپ اتالاتىن قابىلدانعان زاڭعا سايكەس، ەلدە تەك پۋشتۋ مەن داري عانا مەملەكەتتىك ءتىل بولىپ قالا بەرەدى، ال حانافي مازحابىنىڭ سۋننيتتىك يسلامى جالعىز رەسمي ءدىن بولىپ تانىلادى.
سونىمەن قاتار ەلدە ءالى دە ايتارلىقتاي ماڭىزعا يە شيتتەر قاۋىمى بار ەكەنى جانە سولتۇستىك پروۆينتسيالاردا وزبەك تىلىندە سويلەيتىن حالىقتىڭ كوپ تۇراتىنى ايتىلادى.
زاڭ سونىمەن قاتار اۋعانستاندا يسلام زاڭگەرلەرى كەڭەسى مەن جوعارى كەڭەس قۇرۋدى كوزدەيدى، ونىڭ قۇرامىنا ءار ايماقتىڭ ساياساتكەرلەرى، عالىمدارى مەن ءدىنباسىلارى كىرەتىن بولادى. اتقارۋشى بيلىكتىڭ باسشىسى – پرەزيدەنت بولىپ، ونى ازاماتتار مەن جوعارى كەڭەس مۇشەلەرى سايلايدى.
بۇدان بولەك، قۇجات اۋعانستان ۇلتتىق اسسامبلەياسىنىڭ وكىلدەرىن دەپۋتاتتىق ايرىقشا مارتەبەسىنەن ايىرادى جانە بريتاندىقتاردان، رەسەيلىكتەردەن جانە امەريكاندىقتاردان العان تاۋەلسىزدىك كۇنىن مەرەكە رەتىندە بەكىتەدى.
بۇعان دەيىن وزبەكستان سىرتقى ىستەر مينيسترلىگىنىڭ رەسمي وكىلى يۋسۋپ كابۋلجانوۆ "تاليبان" قوزعالىسى وزبەك بيلىگىنە اۋعانستانداعى وزبەك ءتىلىنىڭ رەسمي مارتەبەسىن ساقتاۋعا كەپىلدىك بەرەتىنىن ايتىپ، ونىڭ اتالعان ەلدە زەرتتەلۋىنە جانە دامۋىنا ىقپال ەتۋگە ۋادە بەرگەنىن ايتقان.
"ادىرنا" ۇلتتىق پورتالى.
