"Talıban" radıkaldy uıymy ózbek tilin Aýǵanstandaǵy resmı mártebesinen aıyratyn ýaqytsha zań shyǵardy dep habarlaıdy "Adyrna" ulttyq portaly "RIA Novostıge" silteme jasap.
"Negizder" dep atalatyn qabyldanǵan zańǵa sáıkes, elde tek pýshtý men darı ǵana memlekettik til bolyp qala beredi, al hanafı mazhabynyń sýnnıttik ıslamy jalǵyz resmı din bolyp tanylady.
Sonymen qatar elde áli de aıtarlyqtaı mańyzǵa ıe shııtter qaýymy bar ekeni jáne soltústik provınııalarda ózbek tilinde sóıleıtin halyqtyń kóp turatyny aıtylady.
Zań sonymen qatar Aýǵanstanda ıslam zańgerleri keńesi men joǵary keńes qurýdy kózdeıdi, onyń quramyna ár aımaqtyń saıasatkerleri, ǵalymdary men dinbasylary kiretin bolady. Atqarýshy bıliktiń basshysy – Prezıdent bolyp, ony azamattar men joǵary keńes músheleri saılaıdy.
Budan bólek, qujat Aýǵanstan Ulttyq Assambleıasynyń ókilderin depýtattyq aıryqsha mártebesinen aıyrady jáne brıtandyqtardan, reseılikterden jáne amerıkandyqtardan alǵan Táýelsizdik kúnin mereke retinde bekitedi.
Buǵan deıin Ózbekstan Syrtqy ister mınıstrliginiń resmı ókili Iýsýp Kabýljanov "Talıban" qozǵalysy ózbek bıligine Aýǵanstandaǵy ózbek tiliniń resmı mártebesin saqtaýǵa kepildik beretinin aıtyp, onyń atalǵan elde zerttelýine jáne damýyna yqpal etýge ýáde bergenin aıtqan.
"Adyrna" ulttyq portaly.
