قاراعاندى وبلىسىندا دالا ءورتىن ءسوندىرۋ كەزىندە دەنەسىنىڭ 90%-ىن كۇيىك شالعان ەر ادام اۋرۋحانادا كوز جۇمدى دەپ حابارلايدى "ادىرنا" ۇلتتىق پورتالى "حابار 24"-كە سىلتەمە جاساپ.
قاراعاندى وبلىستىق توتەنشە جاعدايلار دەپارتامەنتىنىڭ مالىمەتىنشە، 17-18 قىركۇيەكتە قاراعاندى وبلىسىنىڭ اۋماعىندا اقتوعاي، قارقارالى جانە شەت اۋداندارى اۋماعىندا 6 دالا ءورتى سوندىرىلگەن.
"قارقارالى اۋدانى بالقانتاۋ اۋىلدىق وكرۋگىندە بولعان تابيعي ءورتتى جويۋ كەزىندە ەگىندىبۇلاق اۋىلىنىڭ 1989, 1979 جانە 1973 جىلى دۇنيە كەلگەن ءۇش تۇرعىنىنىڭ دەنەسىن كۇيىك شالىپ، اۋرۋحاناعا جەتكىزىلدى. ولار 18, 28 جانە 90% تەرميالىق كۇيىك العان", - دەيدى توتەنشە جاعدايلار دەپارتامەنتى.
ناتيجەسىندە دەنەسىنىڭ 90%-ى كۇيىپ قالعان 48 جاستاعى ەر ادام اۋرۋحانادا قايتىس بولدى. تاعى ەكى زارداپ شەگۋشى اۋرۋحانادا جاتىر. ولاردىڭ جاعدايى قالىپتى.
ايتا كەتەيىك، ورتتى سوندىرۋگە 300-دەن استام ادام مەن 90-نان استام تەحنيكا جۇمىلدىرىلدى.
قاراعاندى وبلىسىنىڭ توتەنشە جاعدايلار دەپارتامەنتىندە دالا ورتتەرىن سوندىرۋگە قاتىسۋ كەزىندە قاۋىپسىزدىك شارالارىن قاتاڭ ساقتاۋدى ەسكە سالدى.
"ادىرنا" ۇلتتىق پورتالى.
