Qaraǵandy oblysynda dala órtin sóndirý kezinde denesiniń 90%-yn kúıik shalǵan er adam aýrýhanada kóz jumdy dep habarlaıdy "Adyrna" ulttyq portaly "Habar 24"-ke silteme jasap.
Qaraǵandy oblystyq tótenshe jaǵdaılar departamentiniń málimetinshe, 17-18 qyrkúıekte Qaraǵandy oblysynyń aýmaǵynda Aqtoǵaı, Qarqaraly jáne Shet aýdandary aýmaǵynda 6 dala órti sóndirilgen.
"Qarqaraly aýdany Balqantaý aýyldyq okrýginde bolǵan tabıǵı órtti joıý kezinde Egindibulaq aýylynyń 1989, 1979 jáne 1973 jyly dúnıe kelgen úsh turǵynynyń denesin kúıik shalyp, aýrýhanaǵa jetkizildi. Olar 18, 28 jáne 90% termııalyq kúıik alǵan", - deıdi tótenshe jaǵdaılar departamenti.
Nátıjesinde denesiniń 90%-y kúıip qalǵan 48 jastaǵy er adam aýrýhanada qaıtys boldy. Taǵy eki zardap shegýshi aýrýhanada jatyr. Olardyń jaǵdaıy qalypty.
Aıta keteıik, órtti sóndirýge 300-den astam adam men 90-nan astam tehnıka jumyldyryldy.
Qaraǵandy oblysynyń Tótenshe jaǵdaılar departamentinde dala órtterin sóndirýge qatysý kezinde qaýipsizdik sharalaryn qatań saqtaýdy eske saldy.
"Adyrna" ulttyq portaly.
