تالدىقورعان قالالىق سوتى جەتىم بالانى بوتەن وتباسىنا تاربيەلەۋگە بەرگەنى ءۇشىن 400 مىڭ تەڭگە سوماسىندا پارا العان ءبىلىم بەرۋ ءبولىمىنىڭ بالالاردىڭ قۇقىقتارىن قورعاۋ سەكتورىنىڭ مەڭگەرۋشىسىنە ۇكىم شىعاردى دەپ حابارلايدى "ادىرنا" ۇلتتىق پورتالى "قازاقپارات-قا" سىلتەمە جاساپ.
— الماتى وبلىسىنىڭ تالدىقورعان قالالىق سوتىنىڭ ۇكىمىمەن تالدىقورعان قالاسىنىڭ ءبىلىم ءبولىمى بالالاردىڭ قۇقىقتارىن قورعاۋ سەكتورىنىڭ مەڭگەرۋشىسى ا.تۇياقباەۆقا 12 ملن تەڭگە كولەمىندە ايىپپۇل سالىندى. سونداي-اق، سوت ۇكىمىمەن ك.پولنوموچنوۆا 4 ملن تەڭگە مولشەرىندە ايىپپۇل ارقالايتىن بولدى. ا.تۇياقباەۆ ك.پولنوموچنوۆانىڭ دەلدالدىعىمەن جەتىم بالانى بوتەن وتباسىنا تاربيەلەۋگە بەرگەنى ءۇشىن 400 مىڭ تەڭگە سوماسىندا پارا الدى دەگەن كۇدىككە ىلىنگەن بولاتىن، - دەيدى سىبايلاس جەمقورلىققا قارسى ءىس-قيمىل اگەنتتىگىنىڭ اسا ماڭىزدى ىستەر بويىنشا تەرگەۋشىسى دانيار بەگايداروۆ.
بۇل تۋرالى تەرگەۋشى Antikor اقپارات الاڭىندا بولعان جيىندا مالىمدەدى.
"ادىرنا" ۇلتتىق پورتالى.
