Taldyqorǵan qalalyq soty jetim balany bóten otbasyna tárbıeleýge bergeni úshin 400 myń teńge somasynda para alǵan bilim berý bóliminiń balalardyń quqyqtaryn qorǵaý sektorynyń meńgerýshisine úkim shyǵardy dep habarlaıdy "Adyrna" ulttyq portaly "QazAqparat-qa" silteme jasap.
— Almaty oblysynyń Taldyqorǵan qalalyq sotynyń úkimimen Taldyqorǵan qalasynyń bilim bólimi balalardyń quqyqtaryn qorǵaý sektorynyń meńgerýshisi A.Tuıaqbaevqa 12 mln teńge kóleminde aıyppul salyndy. Sondaı-aq, sot úkimimen K.Polnomochnova 4 mln teńge mólsherinde aıyppul arqalaıtyn boldy. A.Tuıaqbaev K.Polnomochnovanyń deldaldyǵymen jetim balany bóten otbasyna tárbıeleýge bergeni úshin 400 myń teńge somasynda para aldy degen kúdikke ilingen bolatyn, - deıdi Sybaılas jemqorlyqqa qarsy is-qımyl agenttiginiń asa mańyzdy ister boıynsha tergeýshisi Danııar Begaıdarov.
Bul týraly tergeýshi Antikor aqparat alańynda bolǵan jıynda málimdedi.
"Adyrna" ulttyq portaly.
