تۇركىمەن باق-تارىنىڭ حابارلاۋىنشا، اشحاباد پوليتسەيلەرى كوشەدە شورتى كيگەن ادامداردى توقتاتا باستادى، ال كەيبىر جاعدايلاردا كيىمدەرىن اۋىستىرۋدى تالاپ ەتۋدە، دەپ حابارلايدى "ادىرنا" ۇلتتىق پورتالى.
باسىلىمداردىڭ حابارلاۋىنشا، مۇنداي قاتال ءتارتىپ قالانىڭ نەگىزگى كوشەلەرىندە جانە كەيبىر مەكەمەلەردە بولادى. مىسالى، كىرە بەرىستە كەزەكشى پوليتسەي تۇرىكمەن-تۇرىك بانكىنىڭ كەلۋشىسىنەن كيىم اۋىستىرۋدى تالاپ ەتتى. پوليتسيا قىزمەتكەرى كليەنتكە رۇقسات بەرۋ تۋرالى بانك قىزمەتكەرىنىڭ وتىنىشىنە قاراماستان، ەر ادامدى كىرگىزبەدى. ول سونىمەن قاتار كەزەكتە تۇرعان باسقا كەلۋشى ازاماتتارعا ەلورداداعى قوعامدىق ورىندارعا شورتىمەن نەمەسە اياق كيىممەن بارۋعا تىيىم سالىنعانىن ەسكەرتتى.
قۇقىق قورعاۋ ورگاندارىنىڭ وكىلى جاڭا تالاپتاردى ەنگىزۋدىڭ سەبەبىن تۇسىندىرمەدى.
تۇركىمەن جاڭالىقتارى پوليتسيا 25 مانات (7 دوللار) كولەمىندە ايىپپۇل سالعانىن جانە ساياباقتا شورتىمەن جۇرگەن ءجاسوسپىرىمدى كيىم اۋىستىرۋ ءۇشىن ۇيىنە جىبەرگەنىن جازادى.
مۇمكىن، تۇركىمەنستاندا ايتىلمايتىن جاڭا ەرەجە ەنگىزىلدى، ونىڭ كومەگىمەن بيلىك مەزگىل-مەزگىل ازاماتتاردىڭ كەلبەتىن رەتتەۋگە تىرىسۋدا دەگەن بولجام بار.
بۇعان دەيىن ايەلدەرگە شاشتى اشىق تۇسكە، تىرناقتى اشىق تۇسكە بوياۋعا، سونداي-اق تار كويلەك كيۋگە تىيىم سالىنعانىن حابارلاعان بولاتىنبىز. 40 جاسقا دەيىنگى ەركەكتەرگە ساقال قويۋعا بولمايتىنى دا ايتىلعان.
2019 جىلى تاتۋ-سۋرەت سالوندارىنا تىيىم سالىندى.
"ادىرنا" ۇلتتىق پورتالى
