سولتۇستىك كورەيانىڭ الىس قاشىقتىققا ۇشاتىن قاناتتى زىمىراندارى اقش-تى الاڭداتىپ وتىر. ۆاشينگتون قازىرگى ۋاقىتتا سولتۇستىك كورەيانىڭ الىس قاشىقتىققا ۇشاتىن قاناتتى زىمىراندارىنىڭ دامۋ پروتسەسىن باقىلاۋعا العان. سولتۇستىك كورەيا دا ءبىراز بۇرىن وتە قۋاتتى ءارى 1,5 مىڭ شاقىرىمعا ۇشاتىن قاناتتى زىمىراندار جاساپ شىققانىن مالىمدەگەن ەدى.
قازىر اقش-تىڭ ءۇندى-تىنىق مۇحيتىنىڭ اسكەري-تەڭىز كۇشتەرى ارسەنالدارى سولتۇستىك كورەيانىڭ ءاربىر قادامىن باقىلاۋعا كوشكەن. اقش تاراپى سولتۇستىك كورەيانى قاناتتى زىمىرانداردى شىعارۋدى توقتاتپايدى ءارى ولاردىڭ بۇل قادامى حالىقارالىق قاۋىمداستىققا قاۋىپ توندىرەدى دەپ سانايدى. ال، پەنتاگون ءۇندى-تىنىق مۇحيتىنىڭ اسكەري-تەڭىز كۇشتەرى ارسەنالدارى جاپونيا مەن وڭتۇستىك كورەيانىڭ قاۋىپسىزدىگىن دە قامتاماسىز ەتەدى دەپ مالىمدەدى.
سولتۇستىك كورەيانىڭ قۋاتتى قاناتتى زىمىراندارى 1,5 مىڭ شاقىرىمعا، سونىمەن قوسا 7580 سەكۋند توقتاۋسىز ۇشا الادى. پحەنيان بۇل جەتىستىككە ەكى جىل بويى تەرىن توكتى. ال، قاناتتى زىمىراندار 11-12 قىركۇيەك ارالىعىندا سىناقتان ءوتتى.
سولتۇستىك كورەيا «اقىلسىزدار» اتتى وقۋ جاتتىعۋ شارالارىن اقش پەن وڭتۇستىك كورەياعا قاتىستى وتكىزدى. ال، وڭتۇستىك كورەيانىڭ پرەزيدەنتى مۋن چجە ين-ءدى ساتقىن دەپ اتادى.
بەكبولات قارجان،
"ادىرنا" ۇلتتىق پورتالى
