نەمىس ءجۋرناليسى پيتەر ديتتمار Die Welt گازەتىندە جازعان ماقالاسىندا رەسەي XIX عاسىردا قيىر شىعىستاعى قىتايعا تيەسىلى جەرلەردى زاڭسىز تۇردە قوسقانىن مالىمدەدى.
باسىلىم اۆتورى قازىرگى قيىر شىعىستىڭ كەيبىر اۋداندارىنىڭ جەرگىلىكتى حالقىنا قاتىستى قاتىگەزدىكتەر تۋرالى ايتا وتىرىپ، رەسەي يمپەرياسىنىڭ باقىلاۋىنا قالاي وتكەنىنىڭ تاريحىن باياندادى. ديتتمار قيىر شىعىستا ورناتىلعان گەنەرال-گۋبەرناتور گراف نيكولاي مۋراۆەۆ-امۋرسكيدىڭ ەسكەرتكىشتەرىن ادىلەتسىز دەيدى. ونىڭ پىكىرىنشە بەيجىڭ بۇل تۋرالى ۇمىتقان جوق.
نەمىس ءجۋرناليستى كەڭەس ۇكىمەتى 1917 جىلى بيلىككە كەلگەننەن كەيىن بۇل اۋماقتاردى قىتايعا قايتارماي، ۋادەسىن بۇزدى دەپ ايىپتادى. بۇعان دەيىن جاپونيا رەسەيگە كۋريل ارالدارىنا ارنايى سالىق رەجيمىن ەنگىزۋ جوسپارىنا بايلانىستى نارازىلىق جاساعان. جاپون ۇكىمەتىنىڭ باس حاتشىسى كاتۋنوبۋ كاتونىڭ ايتۋىنشا، رەسەي بيلىگىنىڭ مۇنداي شەشىمى توكيونىڭ كۋريل ارالدارىنا قاتىستى ۇستانىمىنا، سونداي-اق وسى ۋاقىتقا دەيىن جۇرگىزىلگەن بىرلەسكەن ەكونوميكالىق قىزمەت تۋرالى پىكىرتالاستاردىڭ مانىنە قايشى كەلەدى.
"ادىرنا" ۇلتتىق پورتالى
