Nemis tilshisi: Reseıdiń biraz jeri Qytaıǵa tıesili

2275
Adyrna.kz Telegram

Nemis jýrnalısi Pıter Dıttmar Die Welt gazetinde jazǵan maqalasynda Reseı XIX ǵasyrda Qıyr Shyǵystaǵy Qytaıǵa tıesili jerlerdi zańsyz túrde qosqanyn málimdedi.

Basylym avtory qazirgi Qıyr Shyǵystyń keıbir aýdandarynyń jergilikti halqyna qatysty qatygezdikter týraly aıta otyryp, Reseı ımperııasynyń baqylaýyna qalaı ótkeniniń tarıhyn baıandady. Dıttmar Qıyr Shyǵysta ornatylǵan general-gýbernator graf Nıkolaı Mýravev-Amýrskııdiń eskertkishterin ádiletsiz deıdi. Onyń pikirinshe Beıjiń bul týraly umytqan joq.

Nemis jýrnalısti keńes úkimeti 1917 jyly bılikke kelgennen keıin bul aýmaqtardy Qytaıǵa qaıtarmaı, ýádesin buzdy dep aıyptady. Buǵan deıin Japonııa Reseıge Kýrıl araldaryna arnaıy salyq rejımin engizý josparyna baılanysty narazylyq jasaǵan. Japon úkimetiniń Bas hatshysy Katýnobý Katonyń aıtýynsha, Reseı bıliginiń mundaı sheshimi Tokıonyń Kýrıl araldaryna qatysty ustanymyna, sondaı-aq osy ýaqytqa deıin júrgizilgen birlesken ekonomıkalyq qyzmet týraly pikirtalastardyń mánine qaıshy keledi.

"Adyrna" ulttyq portaly

Pikirler