اقتوبە وبلىسىنىڭ اكىمى وڭداسىن ءورازاليننىڭ توراعالىعىمەن وڭىردە ۇلتتىق حالىق ساناعىن وتكىزۋ ماسەلەلەرى جونىندە كەڭەس ءوتتى، دەپ حابارلايدى "ادىرنا" ۇلتتىق پورتالى.
بيىل ۇلتتىق حالىق ساناعى 1 قىركۇيەك پەن 15 قازان ارالىعىندا ونلاين فورماتتا مامانداندىرىلعان sanaq.gov.kz سايتىندا وتكىزىلەدى.
وبلىس اكىمىنىڭ ءبىرىنشى ورىنباسارى رۋسلان حامباروۆتىڭ مالىمەتىنشە، 6 قىركۇيەكتەگى جاعداي بويىنشا وبلىستىڭ 12 مىڭعا جۋىق تۇرعىنى ونلاين رەجيمدە ساناقتان وتكەن.
سونداي-اق 1 قازان مەن 30 قازان ارالىعىندا ونلاين-رەجيمىندە ساناقتان وتپەگەن ازاماتتار اراسىندا سانيتارلىق نورمالاردى ساقتاي وتىرىپ، ءداستۇرلى جاپپاي ارالاۋ جۇرگىزىلەدى.
كەڭەس قورىتىندىسى بويىنشا وبلىس اكىمى حالىق اراسىندا اقپاراتتىق-ءتۇسىندىرۋ جۇمىستارىن كۇشەيتۋدى، سونداي-اق ساناق قىزمەتكەرلەرىن تولىق جيناقتاۋ جانە ۆاكتسيناتسيالاۋ ماسەلەلەرىنە ەرەكشە نازار اۋدارۋدى تاپسىردى.
قازىرگى ۋاقىتتا ايماقتا نۇسقاۋشى-باقىلاۋشىلار مەن ينتەرۆيۋەرلەردى قابىلداۋ جالعاسۋدا. ۇلتتىق ساناقتى وتكىزۋ بويىنشا جۇمىسقا بارلىعى 1200-دەن استام ادام جۇمىلدىرىلادى.
"ادىرنا" ۇلتتىق پورتالى.
