ءماجىلىس توراعاسى نۇرلان نىعماتۋلين باستاعان پارلامەنتتىك دەلەگاتسيا 6-8 قىركۇيەكتە ۆەنادا وتەتىن پارلامەنتتەر سپيكەرلەرىنىڭ بەسىنشى بۇكىلالەمدىك كونفەرەنتسياسىنا قاتىسادى، دەپ حابارلايدى "ادىرنا" ءتىلشىسى.
پارلامەنتارالىق وداق، اۆستريا پارلامەنتى بۇۇ-مەن بىرلەسىپ ۇيىمداستىرعان فورۋمدا پارلامەنتاريلەر، اتاپ ايتقاندا، پاندەميادان كەيىنگى دامۋ ماسەلەلەرى بويىنشا پىكىر الماسادى. كليماتتىڭ وزگەرۋىمەن كۇرەسۋ جانە ەكولوگيالىق تۇراقتىلىقتى قامتاماسىز ەتۋ ءۇشىن ەكونوميكانى رەفورمالاۋ ماسەلەلەرى قووزعالادى.
پارلامەنتاريلەر سونىمەن قاتار كوپجاقتىلىقتى، بەيبىتشىلىك پەن تۇراقتى دامۋدى كۇشەيتۋ ءۇشىن ديالوگ، تۇسىنىستىك پەن ىنتىماقتاستىق پرينتسيپتەرىنە نەگىزدەلگەن نەگىزگى پارلامەنتتىك ارەكەتتەردى انىقتايدى. ينتەراكتيۆتى جالپى پىكىرسايىس وسى تاقىرىپقا ارنالادى، ونىڭ بارىسىندا ءماجىلىس توراعاسى نۇرلان نىعماتۋلين ءسوز سويلەيدى.
بۇدان باسقا، نۇرلان نىعماتۋليننىڭ ەۋروپا مەن ازيا پارلامەنتتەرىنىڭ، حالىقارالىق پارلامەنتتىك ۇيىمداردىڭ جەتەكشىلەرىمەن، سونداي -اق ۇلتتىق دەلەگاتسيالاردىڭ وكىلدەرىمەن بىرقاتار ەكىجاقتى كەزدەسۋلەر وتكىزۋ كوزدەلگەن. پارلامەنتتەر سپيكەرلەرىنىڭ بۇكىلالەمدىك كونفەرەنتسياسى قاۋىپسىزدىك، ەكونوميكالىق جانە الەۋمەتتىك دامۋ، حالىقارالىق قۇقىق پەن ادام قۇقىقتارى، دەموكراتيا مەن گەندەرلىك تەڭدىك ماسەلەلەرىن تالقىلاۋ ءۇشىن بەس جىلدا ءبىر رەت جينالادى.
"ادىرنا" ۇلتتىق پورتالى
