ەندى قازاق ۇلتتىق ۋنيۆەرسيتەتى ۆيرۋسولوگ مامانداردى دايارلايدى

3079
Adyrna.kz Telegram

بيىلعى جىلدان باستاپ ءال-فارابي اتىنداعى قازاق ۇلتتىق ۋنيۆەرسيتەتى بيولوگيالىق قاۋىپسىزدىك پروبلەمالارىنىڭ عىلىمي-زەرتتەۋ ينستيتۋتىمەن (بقپعزي) بىرلەسە وتىرىپ، ۆيرۋسولوگ مامانداردى دايارلايتىن بولادى دەپ حابارلايدى "ادىرنا" ۇلتتىق پورتالى.

قر ءبىلىم جانە عىلىم ءمينيسترى اسحات ايماعامبەتوۆتىڭ تاپسىرماسى بويىنشا جوعارى وقۋ ورىندارىندا وسى باعىتتا ماگيسترانتتار مەن دوكتورانتتاردى وقىتاتىن بولادى.

مينيستر الەمدىك پاندەميا ەپيدەميولوگيا جانە ۆيرۋسولوگيا سالاسىنداعى مامانداردى دايارلاۋ قاجەتتىلىگىن ايقىنداي تۇسكەندىگىن اتاپ ءوتتى.

ۇلتتىق جوعارى وقۋ ورنىنىڭ رەكتورى ج.تۇيمەباەۆ پەن بيولوگيالىق قاۋىپسىزدىك پروبلەمالارى عىلىمي-زەرتتەۋ ينستيتۋتىنىڭ باس ديرەكتورى ك. زاكاريا ءتيىستى كەلىسىمگە قول قويدى.

قازىر قازۇۋ عىلىمي-زەرتتەۋ ينستيتۋتىمەن بىرلەسىپ، ۆيرۋسولوگيا سالاسىندا جاڭا ءبىلىم بەرۋ باعدارلاماسىن ازىرلەپ جاتىر.

ايتا كەتۋ كەرەك، ءدال وسى بيولوگيالىق قاۋىپسىزدىك پروبلەمالارىنىڭ عىلىمي-زەرتتەۋ ينستيتۋتىنىڭ قىزمەتكەرلەرى  وتاندىق COVID-19 ۆاكتسيناسىن ازىرلەگەن بولاتىن.

 

"ادىرنا" ۇلتتىق پورتالى.

پىكىرلەر