1992-2001 جىلدارى تاجىك-اۋعان شەكاراسىندا بولعان قاقتىعىسقا قاتىسقان الماتىلىق ارداگەرلەر قازاقستان رەسپۋبليكاسى قارۋلى كۇشتەرىنىڭ جوعارعى باس قولباسشىسى, مەملەكەت باسشىسى ق.توقاەۆتىڭ بۇيرىعىنا باعىناتىنىن، ەلگە ادال قىزمەت ەتەتىندەرىن، ەلىمىزدە تىركەلمەگەن "ەل تىرەگى" پارتياسىن قولدامايتىندارىن جەتكىزدى دەپ حابارلايدى "ادىرنا" ۇلتتىق پورتالى.
ء"بىز ەشبىر پارتياعا تىركەلگەن جوقپىز جانە "ەل تىرەگى" پارتياسىنا قوسىلمايتىندىعىمىزدى، بۇل ۇيىمعا ەشقانداي قاتىسىمىز جوق ەكەنىن جەتكىزەمىز.
قاسىم-جومارت توقاەۆ مىرزا، ءبىز، تاجىك-اۋعان قاقتىعىسىنىڭ ارداگەرلەرى، ءسىزدى جانە ءسىزدىڭ جۇرگىزىپ وتىرعان ساياساتىڭىزدى قولدايمىز. ءبىز ءسىزدىڭ ارداگەرلەر قاۋىمىنا جاساعان جاقسىلىعىڭىزدى ۇمىتپايمىز. ءسىزدىڭ وتكەن جىلعى 6 مامىردا ۇلى وتان سوعىسىنىڭ 75 جىلدىعىنا وراي قول قويعان "ارداگەرلەر تۋرالى" زاڭ اياسىندا بۇگىندە بىزگە كوپتەگەن كومەكتەر بەرىلۋدە. ءبىز بۇل قامقورلىق پەن قۋانىشتى 20 جىل كۇتتىك. سوندىقتان ءبىز، الماتىلىق ارداگەرلەر، ءاردايىم ءسىزدىڭ ساياساتىڭىزدى قولدايتىنىمىزدى، ەشقانداي پارتيا قۇرامىندا ەمەس ەكەنىمىزدى ايتقىمىز كەلەدى", — دەدى الماتىلىق ارداگەرلەر.
ايتا كەتۋ كەرەك، بيىل ماۋسىم-شىلدە ايلارىندا ەلىمىزدە تىركەلمەگەن "ەل تىرەگى" پارتياسى بەلسەندىلەرى مەن 1990-جىلدارى اۋعان-تاجىك شەكاراسىندا اسكەري قىزمەت اتقارعان ءبىر توپ ارداگەر شەرۋگە شىعىپ، وزدەرىنىڭ ارىز-تالاپتارىن جەتكىزگەن بولاتىن.
"ادىرنا" ۇلتتىق پورتالى.
