1992-2001 jyldary tájik-aýǵan shekarasynda bolǵan qaqtyǵysqa qatysqan almatylyq ardagerler Qazaqstan Respýblıkasy Qarýly Kúshteriniń Joǵarǵy Bas qolbasshysy, Memleket basshysy Q.Toqaevtyń buıryǵyna baǵynatynyn, elge adal qyzmet etetinderin, elimizde tirkelmegen "El tiregi" partııasyn qoldamaıtyndaryn jetkizdi dep habarlaıdy "Adyrna" ulttyq portaly.
"Biz eshbir partııaǵa tirkelgen joqpyz jáne "El tiregi" partııasyna qosylmaıtyndyǵymyzdy, bul uıymǵa eshqandaı qatysymyz joq ekenin jetkizemiz.
Qasym-Jomart Toqaev myrza, biz, tájik-aýǵan qaqtyǵysynyń ardagerleri, sizdi jáne sizdiń júrgizip otyrǵan saıasatyńyzdy qoldaımyz. Biz sizdiń ardagerler qaýymyna jasaǵan jaqsylyǵyńyzdy umytpaımyz. Sizdiń ótken jylǵy 6 mamyrda Uly Otan soǵysynyń 75 jyldyǵyna oraı qol qoıǵan "Ardagerler týraly" Zań aıasynda búginde bizge kóptegen kómekter berilýde. Biz bul qamqorlyq pen qýanyshty 20 jyl kúttik. Sondyqtan biz, almatylyq ardagerler, árdaıym sizdiń saıasatyńyzdy qoldaıtynymyzdy, eshqandaı partııa quramynda emes ekenimizdi aıtqymyz keledi", — dedi almatylyq ardagerler.
Aıta ketý kerek, bıyl maýsym-shilde aılarynda elimizde tirkelmegen "El tiregi" partııasy belsendileri men 1990-jyldary aýǵan-tájik shekarasynda áskerı qyzmet atqarǵan bir top ardager sherýge shyǵyp, ózderiniń aryz-talaptaryn jetkizgen bolatyn.
"Adyrna" ulttyq portaly.
