بيىلعى جىلى الماتى قالاسىندا سۋعا شومىلۋ ماۋسىمى كەزىندە قۇتقارۋشىلار 10 ادامدى (ونىڭ ىشىندە 4-ەۋى — بالا) قۇتقارىپ قالدى. الماتى قالاسى توتەنشە جاعدايلار دەپارتامەنتىنىڭ ازاماتتىق قورعانىس باسقارماسىنىڭ باسشىسى، پودپولكوۆنيك يسحار ساۆازوۆتىڭ ايتۋىنشا، مۇنداي جاعدايلار كوبىنە قاۋىپسىزدىك ەرەجەلەرىن ساقتاماۋدان بولادى.
يسحار ساۆازوۆ سوڭعى ءۇش جىلدا قالا اۋماعىندا 64 ادام، ونىڭ ىشىندە 30 بالا قۇتقارىلعانىن ايتادى. ول قازىر تەمپەراتۋرانىڭ تومەندەۋىنە بايلانىستى سۋعا شومىلۋ اسا قاۋىپتى ەكەنىن اتاپ ءوتتى.
— ادام اعزاسىنىڭ سالقىنداۋى سۋدا جازاتايىم وقيعالارعا، ءسىڭىردىڭ تارتىلۋىنا الىپ سوعۋى مۇمكىن، — دەيدى ازاماتتىق قورعانىس باسقارماسىنىڭ باسشىسى.
پودپولكوۆنيك 23 تامىزدا سايران كولىندە بولعان وقيعانى كەلتىردى. بۇل كۇنى قۇتقارۋشىلار شومىلۋ كەزىندە قۇرىسۋلار باستالىپ، باتىپ بارا جاتقان 14 جاستاعى ءجاسوسپىرىمدى قۇتقارعان. ايتا كەتەرلىگى، وقيعا الماتىدا شومىلۋعا رۇقسات ەتىلگەن جەردە بولعاندىقتان، قۇتقارۋشىلار جەدەل كومەككە كەلگەن.
باسقا ءجۇزۋ ورىندارى "بەيىمدەلمەگەن جانە جابايى جاعاجايلارعا" جاتادى. بيىل ماۋسىم ايىنىڭ باسىندا وسىنداي جەرلەرگە قۇتقارۋشىلار 66 تىيىم سالۋ بەلگىسىن ورناتقان.
ي.ساۆازوۆتىڭ ايتۋىنشا، قۇتقارۋشىلار جەرگىلىكتى پوليتسيا قىزمەتكەرلەرى، قر ۇلتتىق ۇلانى №5571 اسكەري ءبولىمىنىڭ، "قىزىل جارتى اي" قوعامىنىڭ، ەرىكتىلەر ۇيىمىنىڭ اسكەري قىزمەتشىلەرىمەن بىرلەسىپ، "Lider.kz" كۇن سايىن سۋ ايدىندارىندا بىرلەسكەن رەيدتەر وتكىزەدى.
جاعاجايعا زاڭدى وكىلدەرسىز كەلەتىن بالالارمەن ولار پروفيلاكتيكالىق اڭگىمەلەر جۇرگىزەدى، ەرەسەكتەرسىز ءجۇزۋدىڭ قاۋىپتىلىگىن تۇسىندىرەدى. پودپولكوۆنيك بالالاردى قاراۋسىز قالدىرماۋ، سۋ جانىندا قاراۋسىز ويناۋعا جول بەرمەۋ، سپيرتتىك ىشىمدىك ىشپەۋ جايىندا ايتىپ ءوتتى.
قۇتقارۋشىلار دەمالىس جانە مەرەكە كۇندەرى كۇشەيتىلگەن رەجيمدە جۇمىس ىستەيدى. وسى ماۋسىمدا 800-دەن استام بىرلەسكەن رەيد وتكىزىلىپ، ءىس-شارالار بارىسىندا "سۋداعى قاۋىپسىزدىك" تاقىرىبى تۋرالى 7800-دەن استام جازبا تاراتىلدى.
— وسىنداي پاترۋلدەردىڭ ارقاسىندا قوعامدىق ورىندا ىشىمدىك ىشكەن 34 ەرەجە بۇزۋشى انىقتالدى. بارلىق تۇلعالار قر اقبتك-ءنىڭ 440-بابى بويىنشا اكىمشىلىك جاۋاپكەرشىلىككە تارتىلدى. ايىپپۇلداردىڭ جالپى سوماسى 495 890 تەڭگەنى قۇرايدى. بەلگىلەنبەگەن ورىندا سۋعا تۇسكەنى ءۇشىن 364-باپ بويىنشا "ورتاق سۋ پايدالانۋ ەرەجەلەرىن بۇزۋ" بويىنشا 7 ادام جاۋاپقا تارتىلدى. ءتارتىپ بۇزۋشىلارعا قاتىستى ەسكەرتۋ شاراسى قولدانىلدى، - دەيدى ي.ساۆازوۆ.
ايتا كەتەرلىگى، بۇگىندە قالا قۇتقارۋشىلارى ءۇشىن ەڭ ۇلكەن ماسەلە —"جابايى" جاعاجايلار. سەبەبى مۇنداي جەرلەردە ادامداردىڭ قاۋىپسىزدىگى ءۇشىن ەشقانداي جاعداي جاسالماعان.
توتەنشە جاعدايلار مينيسترلىگىنىڭ پودپولكوۆنيگى الماتى تۇرعىندارى مەن قوناقتارىن قالقاندار مەن قورشاۋلار بەلگىسىنىڭ ارتىندا جاعادان الىس جۇزبەۋگە، رۇقسات ەتىلگەن جەردە عانا شومىلۋعا شاقىرادى.
— ەگەر ءسىز جۇزە المايتىن بولساڭىز، رۇقسات ەتىلگەن جەردە شومىلساڭىز دا، بەلدەن جوعارى سۋعا كىرمەڭىز. بالالاردى قاراۋسىز قالدىرماڭىز، شومىلۋ كەزىندە ءبىر-بىرىنە قاراڭىز. قايىقتاردان، كوپىرلەردەن جانە ايلاقتاردان سۋعا سەكىرمەڭىز، ۇزاق ۋاقىت جۇزبەڭىز، توڭىپ جانە شارشاپ قالۋىڭىز مۇمكىن. سونداي-اق، تۇنگى ۋاقىتتا جانە ماس كۇيدە شومىلۋ قاۋىپتى، - دەپ اتاپ ءوتتى ي. ساۆازوۆ.
ونىڭ ايتۋىنشا، بيىل الماتىلىق قۇتقارۋشىلار "دەلفين" سپورت كەشەنىنىڭ باسسەينىندەگى "جانۇيا" مامانداندىرىلعان كەشەنىنىڭ تاربيەلەۋشىلەرىنە ساباق وتكىزگەن. سونىمەن قاتار سپورتتىق دارىندى بالالارعا ارنالعان رەسپۋبليكالىق مەكتەپ-ينتەرنات بازاسىندا ق.احمەتوۆا «ءۇمىت» ساڭىراۋ مۇگەدەكتەردى قولداۋ ورتالىعى قوعامدىق قورىنىڭ تاربيەلەنۋشىلەرىنە ءجۇزۋ ساباعىن ۇيىمداستىرعان.
الماتى قالاسى اكىمدىگىنىڭ قولداۋىمەن، "سپورتتىق الماتى" باعدارلاماسى اياسىندا قالانىڭ سپورت باسقارماسى توتەنشە جاعداي دەپارتامەنتىمەن بىرلەسىپ، "مەدينا", "Aqua stars" باسسەيندەرى بازاسىندا شومىلۋ ماۋسىمى باستالعاننان بەرى بالالاردى جۇزۋگە ۇيرەتكەن. بيىلعى شومىلۋ ماۋسىمى كەزەڭىندە بارلىعى 2 100 ادامدى وقىتۋ جوسپارلانعان.
"ادىرنا" ۇلتتىق پورتالى.
