Bıylǵy jyly Almaty qalasynda sýǵa shomylý maýsymy kezinde qutqarýshylar 10 adamdy (onyń ishinde 4-eýi — bala) qutqaryp qaldy. Almaty qalasy tótenshe jaǵdaılar departamentiniń azamattyq qorǵanys basqarmasynyń basshysy, podpolkovnık Ishar Savazovtyń aıtýynsha, mundaı jaǵdaılar kóbine qaýipsizdik erejelerin saqtamaýdan bolady.
Ishar Savazov sońǵy úsh jylda qala aýmaǵynda 64 adam, onyń ishinde 30 bala qutqarylǵanyn aıtady. Ol qazir temperatýranyń tómendeýine baılanysty sýǵa shomylý asa qaýipti ekenin atap ótti.
— Adam aǵzasynyń salqyndaýy sýda jazataıym oqıǵalarǵa, sińirdiń tartylýyna alyp soǵýy múmkin, — deıdi azamattyq qorǵanys basqarmasynyń basshysy.
Podpolkovnık 23 tamyzda Saıran kólinde bolǵan oqıǵany keltirdi. Bul kúni qutqarýshylar shomylý kezinde qurysýlar bastalyp, batyp bara jatqan 14 jastaǵy jasóspirimdi qutqarǵan. Aıta keterligi, oqıǵa Almatyda shomylýǵa ruqsat etilgen jerde bolǵandyqtan, qutqarýshylar jedel kómekke kelgen.
Basqa júzý oryndary "beıimdelmegen jáne jabaıy jaǵajaılarǵa" jatady. Bıyl maýsym aıynyń basynda osyndaı jerlerge qutqarýshylar 66 tyıym salý belgisin ornatqan.
I.Savazovtyń aıtýynsha, qutqarýshylar jergilikti polıııa qyzmetkerleri, QR Ulttyq Ulany №5571 áskerı bóliminiń, "Qyzyl Jarty Aı" qoǵamynyń, eriktiler uıymynyń áskerı qyzmetshilerimen birlesip, "Lider.kz" kún saıyn sý aıdyndarynda birlesken reıdter ótkizedi.
Jaǵajaıǵa zańdy ókildersiz keletin balalarmen olar profılaktıkalyq áńgimeler júrgizedi, eresektersiz júzýdiń qaýiptiligin túsindiredi. Podpolkovnık balalardy qaraýsyz qaldyrmaý, sý janynda qaraýsyz oınaýǵa jol bermeý, spırttik ishimdik ishpeý jaıynda aıtyp ótti.
Qutqarýshylar demalys jáne mereke kúnderi kúsheıtilgen rejımde jumys isteıdi. Osy maýsymda 800-den astam birlesken reıd ótkizilip, is-sharalar barysynda "sýdaǵy qaýipsizdik" taqyryby týraly 7800-den astam jazba taratyldy.
— Osyndaı patrýlderdiń arqasynda qoǵamdyq orynda ishimdik ishken 34 ereje buzýshy anyqtaldy. Barlyq tulǵalar QR ÁQBtK-niń 440-baby boıynsha ákimshilik jaýapkershilikke tartyldy. Aıyppuldardyń jalpy somasy 495 890 teńgeni quraıdy. Belgilenbegen orynda sýǵa túskeni úshin 364-bap boıynsha "ortaq sý paıdalaný erejelerin buzý" boıynsha 7 adam jaýapqa tartyldy. Tártip buzýshylarǵa qatysty eskertý sharasy qoldanyldy, - deıdi I.Savazov.
Aıta keterligi, búginde qala qutqarýshylary úshin eń úlken másele —"jabaıy" jaǵajaılar. Sebebi mundaı jerlerde adamdardyń qaýipsizdigi úshin eshqandaı jaǵdaı jasalmaǵan.
Tótenshe jaǵdaılar mınıstrliginiń podpolkovnıgi Almaty turǵyndary men qonaqtaryn qalqandar men qorshaýlar belgisiniń artynda jaǵadan alys júzbeýge, ruqsat etilgen jerde ǵana shomylýǵa shaqyrady.
— Eger siz júze almaıtyn bolsańyz, ruqsat etilgen jerde shomylsańyz da, belden joǵary sýǵa kirmeńiz. Balalardy qaraýsyz qaldyrmańyz, shomylý kezinde bir-birine qarańyz. Qaıyqtardan, kópirlerden jáne aılaqtardan sýǵa sekirmeńiz, uzaq ýaqyt júzbeńiz, tońyp jáne sharshap qalýyńyz múmkin. Sondaı-aq, túngi ýaqytta jáne mas kúıde shomylý qaýipti, - dep atap ótti I. Savazov.
Onyń aıtýynsha, bıyl almatylyq qutqarýshylar "Delfın" sport kesheniniń basseınindegi "Januıa" mamandandyrylǵan kesheniniń tárbıeleýshilerine sabaq ótkizgen. Sonymen qatar sporttyq daryndy balalarǵa arnalǵan respýblıkalyq mektep-ınternat bazasynda Q.Ahmetova «Úmit» sańyraý múgedekterdi qoldaý ortalyǵy qoǵamdyq qorynyń tárbıelenýshilerine júzý sabaǵyn uıymdastyrǵan.
Almaty qalasy ákimdiginiń qoldaýymen, "Sporttyq Almaty" baǵdarlamasy aıasynda qalanyń sport basqarmasy Tótenshe jaǵdaı departamentimen birlesip, "Medına", "Aqua stars" basseınderi bazasynda shomylý maýsymy bastalǵannan beri balalardy júzýge úıretken. Bıylǵy shomylý maýsymy kezeńinde barlyǵy 2 100 adamdy oqytý josparlanǵan.
"Adyrna" ulttyq portaly.
