Biylǧy jyly Almaty qalasynda suǧa şomylu mausymy kezınde qūtqaruşylar 10 adamdy (onyŋ ışınde 4-euı — bala) qūtqaryp qaldy. Almaty qalasy tötenşe jaǧdailar departamentınıŋ azamattyq qorǧanys basqarmasynyŋ basşysy, podpolkovnik İshar Savazovtyŋ aituynşa, mūndai jaǧdailar köbıne qauıpsızdık erejelerın saqtamaudan bolady.
İshar Savazov soŋǧy üş jylda qala aumaǧynda 64 adam, onyŋ ışınde 30 bala qūtqarylǧanyn aitady. Ol qazır temperaturanyŋ tömendeuıne bailanysty suǧa şomylu asa qauıptı ekenın atap öttı.
— Adam aǧzasynyŋ salqyndauy suda jazataiym oqiǧalarǧa, sıŋırdıŋ tartyluyna alyp soǧuy mümkın, — deidı azamattyq qorǧanys basqarmasynyŋ basşysy.
Podpolkovnik 23 tamyzda Sairan kölınde bolǧan oqiǧany keltırdı. Būl künı qūtqaruşylar şomylu kezınde qūrysular bastalyp, batyp bara jatqan 14 jastaǧy jasöspırımdı qūtqarǧan. Aita keterlıgı, oqiǧa Almatyda şomyluǧa rūqsat etılgen jerde bolǧandyqtan, qūtqaruşylar jedel kömekke kelgen.Basqa jüzu oryndary "beiımdelmegen jäne jabaiy jaǧajailarǧa" jatady. Biyl mausym aiynyŋ basynda osyndai jerlerge qūtqaruşylar 66 tyiym salu belgısın ornatqan. İ.Savazovtyŋ aituynşa, qūtqaruşylar jergılıktı polisiia qyzmetkerlerı, QR Ūlttyq Ūlany №5571 äskeri bölımınıŋ, "Qyzyl Jarty Ai" qoǧamynyŋ, erıktıler ūiymynyŋ äskeri qyzmetşılerımen bırlesıp, "Lider.kz" kün saiyn su aidyndarynda bırlesken reidter ötkızedı.
Jaǧajaiǧa zaŋdy ökıldersız keletın balalarmen olar profilaktikalyq äŋgımeler jürgızedı, eresektersız jüzudıŋ qauıptılıgın tüsındıredı. Podpolkovnik balalardy qarausyz qaldyrmau, su janynda qarausyz oinauǧa jol bermeu, spirttık ışımdık ışpeu jaiynda aityp öttı.Qūtqaruşylar demalys jäne mereke künderı küşeitılgen rejimde jūmys ısteidı. Osy mausymda 800-den astam bırlesken reid ötkızılıp, ıs-şaralar barysynda "sudaǧy qauıpsızdık" taqyryby turaly 7800-den astam jazba taratyldy. — Osyndai patrulderdıŋ arqasynda qoǧamdyq orynda ışımdık ışken 34 ereje būzuşy anyqtaldy. Barlyq tūlǧalar QR ÄQBtK-nıŋ 440-baby boiynşa äkımşılık jauapkerşılıkke tartyldy. Aiyppūldardyŋ jalpy somasy 495 890 teŋgenı qūraidy. Belgılenbegen orynda suǧa tüskenı üşın 364-bap boiynşa "ortaq su paidalanu erejelerın būzu" boiynşa 7 adam jauapqa tartyldy. Tärtıp būzuşylarǧa qatysty eskertu şarasy qoldanyldy, - deidı İ.Savazov.
Aita keterlıgı, bügınde qala qūtqaruşylary üşın eŋ ülken mäsele —"jabaiy" jaǧajailar. Sebebı mūndai jerlerde adamdardyŋ qauıpsızdıgı üşın eşqandai jaǧdai jasalmaǧan.Tötenşe jaǧdailar ministrlıgınıŋ podpolkovnigı Almaty tūrǧyndary men qonaqtaryn qalqandar men qorşaular belgısınıŋ artynda jaǧadan alys jüzbeuge, rūqsat etılgen jerde ǧana şomyluǧa şaqyrady. — Eger sız jüze almaityn bolsaŋyz, rūqsat etılgen jerde şomylsaŋyz da, belden joǧary suǧa kırmeŋız. Balalardy qarausyz qaldyrmaŋyz, şomylu kezınde bır-bırıne qaraŋyz. Qaiyqtardan, köpırlerden jäne ailaqtardan suǧa sekırmeŋız, ūzaq uaqyt jüzbeŋız, toŋyp jäne şarşap qaluyŋyz mümkın. Sondai-aq, tüngı uaqytta jäne mas küide şomylu qauıptı, - dep atap öttı İ. Savazov. Onyŋ aituynşa, biyl almatylyq qūtqaruşylar "Delfin" sport keşenınıŋ basseinındegı "Janūia" mamandandyrylǧan keşenınıŋ tärbieleuşılerıne sabaq ötkızgen. Sonymen qatar sporttyq daryndy balalarǧa arnalǧan respublikalyq mektep-internat bazasynda Q.Ahmetova «Ümıt» saŋyrau mügedekterdı qoldau ortalyǧy qoǧamdyq qorynyŋ tärbielenuşılerıne jüzu sabaǧyn ūiymdastyrǧan. Almaty qalasy äkımdıgınıŋ qoldauymen, "Sporttyq Almaty" baǧdarlamasy aiasynda qalanyŋ sport basqarmasy Tötenşe jaǧdai departamentımen bırlesıp, "Medina", "Aqua stars" basseinderı bazasynda şomylu mausymy bastalǧannan berı balalardy jüzuge üiretken. Biylǧy şomylu mausymy kezeŋınde barlyǧy 2 100 adamdy oqytu josparlanǧan.
"Adyrna" ūlttyq portaly.
