جامبىل وبلىسىنىڭ بايزاق اۋدانىندا وق-دارىلەر قويماسىندا بولعان ءورت پەن جارىلىستان ادامداردىڭ قازا بولۋىنا بايلانىستى 29 تامىزدا، جەكسەنبى كۇنى تاڭعى ساعات 10:00-دە ەلىمىزدىڭ بارلىق مەشىتتەرىندە قۇران حاتىم دۇعاسى وقىلادى دەپ حابارلايدى "ادىرنا" ۇلتتىق پورتالى.
بۇل تۋرالى قازاقستان مۇسىلماندارىنىڭ ءدىني باسقارماسىنىڭ ءباسپاسوز قىزمەتى مالىمدەدى.
ازا تۇتۋ كۇنى ەلىمىزدىڭ بارلىق مەشىتتەرىندە جارىلىس كەزىندە قازا بولعانداردىڭ رۋحىنا باعىشتالىپ قۇران حاتىم دۇعاسى وقىلادى. قۇران حاتىم دۇعاسىن وقۋ شاراسى @muftiyatkz ينستاگرام پاراقشاسىندا تىكەلەي ەفيردە كورسەتىلەدى.
ايتا كەتۋ كەرەك، قايعىلى وقيعاعا بايلانىستى قر پرەزيدەنتى قاسىم-جومارت توقاەۆ 29 تامىزدى جالپىۇلتتىق ازا تۇتۋ كۇنى دەپ جاريالاعان بولاتىن.
"ادىرنا" ۇلتتىق پورتالى.
