اقش پرەزيدەنتى دجو بايدەن قىتاي ۇكىمەتىن كوروناۆيرۋستىڭ شىعۋى تۋرالى "ماڭىزدى اقپاراتتى" جاسىرعانى ءۇشىن سىنعا الدى. بۇل تۋرالى اق ءۇيدىڭ ءباسپاسوز قىزمەتى مالىمدەگەن دەپ حابارلايدى "ادىرنا" ۇلتتىق پورتالى "regnum.ru-عا" سىلتەمە جاساپ.
امەريكالىق كوشباسشى اقش ۇلتتىق بارلاۋ قىزمەتىنىڭ SARS-CoV-2 جاساندى شىعۋ تەگى تۋرالى ەسەبىن جاريالاعاننان كەيىن بىردەن مالىمدەمە جاسادى.
— قىتاي ءالى كۇنگە دەيىن الەمدە پاندەميا قۇرباندارىنىڭ سانى ارتىپ كەلە جاتقانىنا قاراماستان، اشىقتىققا شاقىرۋدى قابىلداماي، اقپاراتتى جاسىرۋدى جالعاستىرۋدا، - دەدى ول. — الەم جاۋاپ الۋعا لايىقتى، مەن قىتايدان حابار المايىنشا، تىنىم تاپپايمىن. جاۋاپتى ەلدەر بۇكىل الەم الدىنداعى جاۋاپكەرشىلىكتەن قاشپايدى.ايتا كەتۋ كەرەك، بۇعان دەيىن اقش بارلاۋ قاۋىمداستىعى SARS-CoV-2 ۆيرۋسىنىڭ بيولوگيالىق قارۋ رەتىندە پايدا بولۋ نۇسقاسىن جوققا شىعارىپ، قىتاي شەنەۋنىكتەرى COVID-19-دىڭ العاشقى ەپيدەمياسى باستالعانعا دەيىن كوروناۆيرۋس تۋرالى بىلمەگەندىگىن جاريالاعان بولاتىن.
"ادىرنا" ۇلتتىق پورتالى.
