AQSh Prezıdenti Djo Baıden Qytaı úkimetin koronavırýstyń shyǵýy týraly "mańyzdy aqparatty" jasyrǵany úshin synǵa aldy. Bul týraly Aq úıdiń baspasóz qyzmeti málimdegen dep habarlaıdy "Adyrna" ulttyq portaly "regnum.ru-ǵa" silteme jasap.
Amerıkalyq kóshbasshy AQSh Ulttyq barlaý qyzmetiniń SARS-CoV-2 jasandy shyǵý tegi týraly esebin jarııalaǵannan keıin birden málimdeme jasady.
— Qytaı áli kúnge deıin álemde pandemııa qurbandarynyń sany artyp kele jatqanyna qaramastan, ashyqtyqqa shaqyrýdy qabyldamaı, aqparatty jasyrýdy jalǵastyrýda, - dedi ol. — Álem jaýap alýǵa laıyqty, men Qytaıdan habar almaıynsha, tynym tappaımyn. Jaýapty elder búkil álem aldyndaǵy jaýapkershilikten qashpaıdy.
Aıta ketý kerek, buǵan deıin AQSh barlaý qaýymdastyǵy SARS-CoV-2 vırýsynyń bıologııalyq qarý retinde paıda bolý nusqasyn joqqa shyǵaryp, Qytaı sheneýnikteri COVID-19-dyń alǵashqy epıdemııasy bastalǵanǵa deıin koronavırýs týraly bilmegendigin jarııalaǵan bolatyn.
"Adyrna" ulttyq portaly.
