قازاقستاندا اسكەري قىزمەتشىلەردى ازىق-تۇلىكپەن قامتاماسىز ەتۋ نورمالارى قايتا قارالدى. ەندى مازىردە جىلقى ەتى، تۇيە ەتى، بالىق جانە ءداستۇرلى سۋسىندار پايدا بولادى.
"اسكەري قىزمەتشىلەردىڭ تاماقتانۋىن ودان ءارى جاقسارتۋ ءۇشىن قازاق تاعامتانۋ اكادەمياسىمەن بىرگە ۇلتتىق تاعامداردىڭ ەرەكشەلىكتەرىن ەسكەرە وتىرىپ، اسكەري قىزمەتشىلەردىڭ تاماقتانۋ راتسيونىن جاقسارتۋ بويىنشا جۇمىستار جۇرگىزىلۋدە. اسكەري قىزمەتشىلەردىڭ راتسيونىنا جىلقى، قوي، تۇيە، ۇيرەك، قاز ەتى جانە ءار ءتۇرلى بالىق تۇرلەرىن قوسىمشا ەنگىزۋ جوسپارلانۋدا. سونىمەن قاتار قۇرت، قىمىز بەن شۇباتتى ەنگىزۋ جوسپارلانۋدا", - دەدى قر قارۋلى كۇشتەرى باس شتابى ۇيىمداستىرۋ-جۇمىلدىرۋ جۇمىسى دەپارتامەنتىنىڭ اعا وفيتسەرى رۋسلان تاپاشەۆ.
2020 جىلى قورعانىس مينيسترلىگى اسكەري قىزمەتشىلەرگە بەرىلەتىن ازىق-تۇلىك قۇنىن 40%-عا ارتتىردى. ال ساربازداردىڭ تاماقتانۋىن ۇيىمداستىرۋ بويىنشا قىزمەتتەر اۋتسورسينگكە بەرىلدى.
"ادىرنا" ۇلتتىق پورتالى
