ءماتىندى وقىماي تۇرىپ، جوعارىداعى سۋرەتكە زەر سالىڭىز. جانىڭىزعا جاقىن، وتىرعىڭىز كەلەتىن ورىندىقتى تاڭداڭىز. تاڭداۋىڭىزعا سايكەس ورىندىق سيپاتتاماسىن وقىپ، ءوزىڭىزدى تانىڭىز.
1. «كاسىپكەر» ورىندىعى. ءسىز وتە مىقتى جانە ەڭبەكقور ادامسىز. تاڭەرتەڭنەن كەشكە دەيىن ءبىر ورىندا تاپجىلماي، قيىن ءارى كۇردەلى جوبامەن اينالىسا الاسىز. بويىڭىزدا تاۋەكەلشىلدىك تۇنىپ تۇر. قانداي شەشىم شىعارساڭىز دا، تەك جاقسىلىعىن كورۋگە تىرىساسىز. ءبىر كورگەن كىسى ءسىزدى ەڭبەكسۇيگىش دەپ باعالايدى، ولار قاتەلەسپەيدى دە. بىراق ءسىز جۇمىسىڭىزعا دەگەن شەكسىز ماحابباتىڭىز ارقىلى وزگە ەڭبەكقور جانداردان ەرەكشەلەنىپ تۇراسىز. ويعا العان ءىسىڭىزدى سوڭىنا دەيىن جەتكىزبەي تىنبايسىز.
2. «رۋحاني تالىمگەر» وتىرعىشى. ءسىز سابىرلى ءارى جاناشىر جانسىز. ءبىر كۇنىڭىزدى تولىعىمەن جاردەمىڭىزگە مۇقتاج ادامعا ارناي الاسىز. جانىڭىز قايىرىمدىلىق پەن مەيىرىمدىلىككە باي. ءسىز ءۇشىن ناعىز ادام – وزگەلەرگە قول ۇشىن سوزا العان جان. «ادام الاسى ىشىندە» دەگەن تىركەس سىزگە ساي ەمەس ەكەنىن ءبىر كورىپ بىلۋگە بولادى. سەبەبى ۇسقىنىڭىز قانداي جايدارى بولسا، جانىڭىز دا سونداي جومارت. ەشقاشان سابىرعا كەلە المايتىن جاندى دا تىنىشتاندىرۋ ءسىزدىڭ عانا قولىڭىزدان كەلەدى.
3. «ونەرتاپقىش» ورىندىعى. ءسىز قۋاتىڭىز مول جانە قاتارىڭىزدان وزىق جانسىز. كۇنى بويى جاڭا دا تىڭ جوبالار مەن يدەيالاردى دامىتۋ ءۇشىن قوزعالماي وتىرا الاسىز. ءاردايىم جاڭا نارسەلەردى ويلاپ تابۋدى جاقسى كورەسىز. جۇمىستا دا، باسقا كەزدە دە كەز كەلگەن ءىستى بايقاپ كورگىڭىز كەلەدى. العاش كورگەن كوزگە ءىش پىستىرارلىق ادام بوپ تانىلاسىز. سولاي بولۋى دا مۇمكىن، بىراق يدەيالارىڭىز ەشقاشان ەشكىمدى جالىقتىرعان ەمەس. زاتتاردىڭ قۇپياسىن اشۋ ءۇشىن ۇزاق اۋرەلەنىپ، تاجىريبە جاساعاندى جانىڭىز سۇيەدى.
4. «سىنشى» ورىندىعى. ءسىز تالعامپازسىز جانە وتە جاقسى تاربيە كورگەنسىز. كۇنى بويى قوناقتىڭ كوڭىلىن اۋلاپ، قىزىقتى ازىلدەرمەن جۇزىنە كۇلكى سىيلاپ وتىرا الاسىز. الەمدەگى ەڭ جاقسى ادام ەكەنىڭىزدى كورسەتكىڭىز كەلەدى. بارلىعى ءسىزدى ءبىرتۋار تۇلعا رەتىندە قابىلداعانىن قالايسىز. العاش كورگەن جان ءسىزدى كورسەقىزار، كەيدە ەپتەگەن تاكاپپار دەپ ويلايدى. مويىنداڭىز، مۇنداي وي تۋىنا ءوزىڭىزدىڭ ۇلەسىڭىز بار. كەز كەلگەن نارسەنىڭ ساپالىسىن تاڭدايسىز، ەڭ جاقسىسىن عانا العىڭىز كەلەدى.
5. «پسيحولوگ» ورىندىعى. ءسىز بارلىعىن بىلۋگە قۇمارسىز، تالابىڭىز تاۋداي. ومىرگە سۇراعىڭىز كوپ، بارلىعىنىڭ جاۋابىن تابۋعا ۇمتىلاسىز. بىرەۋ سىزگە ءومىر جولىن ايتىپ بەرەمىن دەسە، باسقاعا باس بۇرماي وتىرىپ، تاۋلىك بويى تىڭداۋعا ءازىرسىز. ءبىرىنشى كورگەن كىسىگە سابىرلى دا سالماقتى، قاراپايىم جان ەكەن دەگەن وي قالدىراسىز. بىراق، شىن مانىسىندە وتە بەلسەندى ادامسىز. بارلىعىن سانادا ساراپتاپ، ميدا قورىتاسىز. ادامداردىڭ ءبىر-بىرىمەن ءوزارا قارىم-قاتىناسىن مەڭگەرۋگە قۇشتارسىز.
6. «ساياحاتتاۋشى» ورىندىعى. ءسىز تاپقىر، جىگەرلى جانسىز. ءبىر كۇن بويى پويىز نە ۇشاق تەرەزەسىنە تەلمىرىپ، الەمگە كوز تىگىپ وتىرۋدان باس تارتپايسىز. جاڭالىق ىزدەپ شارق ۇرۋدا جانكەشتىلىك كورسەتەسىز. بۇرىن سوڭدى كورمەگەن جەر، جاڭا تانىستار، تاڭسىق نارسەلەر ءسىزدى شابىتتاندىرادى. بەيتانىسقا بەيمازا جان بوپ تانىلاسىز. شىنىندا دا، ومىرىڭىزدە ءسال تىنىشتىق ورناۋى ءۇشىن، ءوزىڭىزدى قولعا الىڭىز. عۇمىرىڭىزدى ساياحاتقا ارناعىڭىز كەلەدى. ساپارعا شىقپاعان كەزىڭىزدە، ۇنەمى الىس شەتەلدى ەلەستەتىپ، قيال قۇشاعىندا جۇرەسىز.
7. «رومانتيك» ورىندىعى. ءسىز شىعارماشىلىق ادامىسىز ءارى ارمانشىلسىز. 24 ساعات بويى وي ۇستىندە وتىرا الاسىز. قيالىڭىز ۇشقىر، ويىڭىز ءاردايىم الەمدى شارلاپ جۇرەدى. ساپار سوڭىندا قادامىڭىز باستالعان جەردەن تابىلمايسىز. ءبىر كورگەن جان كوپ قىرلى ەكەنىڭىزدى بايقايدى. اينالاڭىزداعى الەمدى قانشالىقتى ۇمىتىپ كەتەتىن بولساڭىز، ويىڭىزدان دا سونشالىقتى اداساسىز. ساناڭىزدا ارقاشان ادام ويىنا كەلمەگەن جاقسى نارسەلەر ءومىر سۇرەدى، تەك سونى جازىپ نە ەستە ساقتاپ الاتىن زەيىن جەتىسپەيدى.
8. «عالىم» ورىندىعى. قاجىرلى ءارى ءبىرتۋار جانسىز. كۇنى-ءتۇنى قيىن دا كۇردەلى كىتاپتى وقىپ، قوزعالماي وتىرا الاسىز. يدەيالار الەمىندە اداسىپ كەتۋگە دە بەل بۋاسىز. بىراق ولار جۇمباعى مەن تىلسىمى كوپ بولعان سايىن، ءسىزدى قىزىقتىرا تۇسەدى. ءبىر كورگەن جان ءسىزدى الەمدە نە بولىپ جاتقانى مۇلدەم قىزىقتىرمايدى دەپ ويلايدى. ءىس جۇزىندە، وتە اۋەسقوي كىسىسىز. ءوزىڭىزدى قىزىقتىرعان نارسە جونىندە پروفەسسورلاردان دا وزىپ، تولىعىمەن تۇسىنبەيىنشە وقي بەرەسىز.
9. «فيلوسوف» ورىندىعى. ءسىز كىرپياز، بىراق كوڭىلدى ادامسىز. كۇنى بويى ءبىر ورىندا وتىرا الاسىز. سويتە تۇرا، ءىشىڭىز پىسپايدى، وزگەلەردىڭ دە ءىشىن پىستىرمايسىز. ءسىز ءۇشىن الەم – الىپ ويىن-ساۋىق. دۇنيە جۇزىندە ءار كۇنى ءار ءتۇرلى قىزىق جايت ورىن الادى عوي. ءبىرىنشى رەت كورگەن كىسىگە تاڭعاجايىپ بوپ كورىنەسىز. باعىڭىزعا وراي، كوپشىلىگى ءسىزدىڭ ءبىرتۇرلى قىلىقتارىڭىزدى قىزىقتى دەپ قابىلدايدى. ومىرگە وزگەشە كوزقاراسىڭىزدى ۇنەمى تانىتىپ جۇرەسىز.
massaget.kz
