ەل تاۋەلسىزدىگىنىڭ 30 جىلدىعى اياسىندا ۇيىمداستىرىلعان «اعاشتارعا قامقور بول» اكتسياسىنا مۇنايلى، قاراقيا، بەينەۋ، ماڭعىستاۋ اۋدانى، جاڭاوزەن مەن اقتاۋ قالاسىنىڭ تۇرعىندارى قاتىستى دەپ حابارلايدى "ادىرنا" ۇلتتىق پورتالى.
«چوسون» ەتنومادەني بىرلەستىگىنىڭ مۇشەسى داۆيد يان بۇل ناۋقاندى قولداي وتىرىپ، ءۇيىنىڭ جانىنداعى قاراعاش، قايىڭ، ايلانت اعاشتارىنا كۇندەلىكتى كۇتىم جاسايدى.
سونداي-اق، قالا تۇرعىنى اندرەي تەن 12-شاعىن اۋدانىنىڭ 50-ءۇي تۇرعىندارىمەن بىرلەسىپ، جيناعان قاراجاتقا 30 ءتۇپ كوشەت وتىرعىزدى.
«ۆيدەرگەبۋرگ» نەمىس ەتنومادەني بىرلەستىگىنىڭ توراعاسى مارگاريتا كلەە جانە بىرلەستىك جاستارى ءۇي اۋلاسىنداعى اعاشتاردى سۋارىپ، اكتسياعا قولداۋ ءبىلدىردى. ءازىربايجان، لەزگين، داعىستان، قىرعىز، ۇيعىر جانە وزبەك ەتنومادەني بىرلەستىكتەرىنىڭ مۇشەلەرى قالانىڭ گۇلدەنۋىنە ۇلەس قوسىپ جاتىر.
"ادىرنا" ۇلتتىق پورتالى.
