ءبىزدىڭ قوعامنىڭ جەمقورلارىنىڭ سانى دالاسىنداعى ورمانىنداعى اعاشتارىنىڭ سانىنان دا اسىپ بارادى.
جالپى، ءسوزدىڭ ءتۇيىنى مىناۋ! ءسىز ادىلەتتى، دەموكراتيالىق قۇندىلىقتاردى ەسكەرەتىن، زايىرلى، زاڭ ۇستەمدىك قۇراتىن قوعامدا ءومىر سۇرگىڭىز كەلەدى مە!؟ بۇل بولاشاقتى جارقىن ەتەيىك دەگەن ءاربىر قازاقستاندىق ازامات ءۇشىن ستراتەگيالىق سۇراق بولسىن!
ال، مۇنداي قوعام قۇرىلۋى ءۇشىن ءاربىر قازاق ازاماتىنىڭ ءدىلىندى وسى سۇراققا جاۋاپ دايىن بولۋى كەرەك. سول جاۋاپ دايىن بولعان كەزدە عانا ارەكەتكە كوشەمىز. بىزگە اقش دەموكراتيا ورناتىپ بەرەدى، اناۋ ءويتىپ بەرەدى دەگەننىڭ ءبارى بوس ءسوز. ءسىز ايدالاداعى اقش-تى ايتپاي-اق قويىڭىز، سىزگە قازىر تۋىسقانىڭىز دا كومەك بەرە المايتىن جاعداي بولادى. تەك ولاردان كەرەكتى دۇنيەلەردى الاتىن شىعارمىز. بىراق بىزگە ەلدىكتى تەك ءوزىمىزدىڭ جاناشىر ازاماتتارىمىز عانا ورناتىپ بەرەدى. ول - ءسىز بەن ءبىز!
الەۋمەتتىك جەلىنى بايقاپ قاراسام، ءبىزدىڭ كەيبىر ازاماتتارىمىز "تۇرسىنبەكتى كەشىرەيىك، ەلگە تانىمال ادام عوي، ەڭبەگى ءسىڭدى عوي، نە بولىپتى سونشا" دەگەن سارىندا سوزدەردى جاۋدىرىپ جاتىر ەكەن. تۇرسىنبەكتىڭ قازىرگى جاعدايىن كەشىرۋ - بۇل جەمقورلىققا بارماق باستى، كوز قىستى قاراۋ. تۇرسىنبەكتىڭ ءوز بالاسىن امەريكاعا اقىلى وقىتۋعا دا جاعدايى جەتەر ەدى. بىرەۋدىڭ بالاسىنىڭ گرانتىن، نەسىبەسىن تارتىپ الۋ تۇرسىنبەككە لايىقتى ءىس پە؟ سول جايىندا ويلانىپ كوردىڭىزدەر مە؟ ونىڭ قارجىسىن ساناپ وتىرعان جايىم جوق. ول قالتاسى قارجىعا تولا وتىرىپ، بىرەۋدىڭ بالاسىنىڭ گرانتىن تارتىپ الىپ وتىرعانىن دا ەسكەرىڭىز. سول گرانتسىز قالعان بالا مۇمكىن قازاقستانعا كەرەك ابىرويلى ونەرتاپقىش نەمەسە عالىم بولاتىن شىعار ەرتەڭ... قايدان بىلەيىك... ءبىز جەمقورلىققا كوز جۇما قارايمىز عوي. سوندىقتان بولاشاقتى بىلمەيمىز...
مىقتى مەملەكەت ورناتىپ، زاڭ مەن تارتىپكە ورىن بەرىپ وتىرعان وڭتۇستىك كورەيا پرەزيدەنتىن دە جەمقورلىق ارەكەتى ءۇشىن سوتتاپ جىبەردى عوي. قازىر زاڭ مەن عىلىم، ءبىلىم بيلىك قۇرعان وڭتۇستىك كورەيا جامان بولىپ وتىر ما؟ مىنە، وركەنيەتتى ەل بولامىز دەسەك، ەلىمىزدىڭ بولاشاعىنا، اسىرەسە، بالاڭىزدىڭ بولاشاعىنا كوز جۇما قاراعىڭىز كەلمەسە، وندا ادىلدىك جاعىنا شىعىڭىز! زاڭ مەن ءتارتىپتى ورناتۋعا ءوزىڭىز ۇلەس قوسىڭىز! سوندا ءسىزدىڭ دە بالاڭىز وركەنيەتتى ەلدە ءومىر سۇرەتىن بولادى.
ال، مىناۋ تۇرسىنبەكتىڭ جايىنا كەلەتىن بولساق، بۇل تۇرسىنبەك قازاعىنان ەشقانداي دا جامانشىلىق كورگەن جوق. قازاعىنىڭ ارقاسىندا ءوسىپ-ءوندى. كەزىندە مازاقتادى دا ءوزى ءوسىپ-ونگەن ەلىن. قازىرگى تىرلىگى اقتاپ الۋعا جاتپايدى. زاڭ اياسىندا جاۋاپ بەرسىن! ءوزىنىڭ جاۋاپكەرشىلىگىن موينىمەن كوتەرسىن! قىلمىسى ءۇشىن زاڭ الدىندا جاۋاپقا تارتۋ زۇلىمدىق ەمەس، ادىلدىك! سونىمەن قاتار، تۇرسىنبەكتىڭ قىزىنا جالعان قۇجات جاساعان حقكو-عا دا تەكسەرىس جاسالىپ، ءبارى جاۋاپقا تارتىلسىن! ايتپەسە، بۇل زاڭسىزدىق توقتامايدى. بۇل ءبىزدىڭ جەمقورلار قاپتاعان قوعامعا ساباق بولادى. ايتپەسە، گرانتتى تەك قانا تۇرسىنبەكتىڭ قىزى عانا جەمقورلىق جولمەن الىپ جاتقان جوق، وندايلاردىڭ سانىنا جەتە المايسىڭ تەكسەرىس بولسا.
وركەنيەتتى قازاقستاننىڭ كەپىلى - بۇل ءاربىرىڭىزدىڭ زاڭ مەن ادىلەتكە تۋرا قاراپ، ماسكانى شەشىپ تاستاپ، بەلدى بايلاپ تاستاپ ارەكەتكە كىرىسۋلەرىڭىزگە بايلانىستى.
بەكبولات قارجان،
"ادىرنا" ۇلتتىق پورتالى
