بۇگىن الماتى قالاسى جەتىسۋ اۋدانى اقتولقىن كوشەسىندەگى كوپقاباتتى ءۇي ورتەندى. قازىر ءورتتىڭ سەبەپتەرىن تەكسەرۋ جۇمىستارى الماتى قالاسىنىڭ اكىمىنىڭ جەكە باقىلاۋىندا دەپ حابارلايدى "ادىرنا" ۇلتتىق پورتالى.
الماتى قالالىق اكىمدىگىنىڭ ءباسپاسوز قىزمەتى مالىمدەگەندەي، ءورتتىڭ سالدارىنان 13 وتباسى باسپاناسىز قالعان. قازىر ونىڭ جەتەۋى تۋىستارىنىڭ ۇيلەرىندە. ال 6 وتباسىنىڭ 23 مۇشەسى ۋاقىتشا قوناقۇيلەرگە ورنالاستىرىلعان. قازىر قالا اكىمى باقىتجان ساعىنتاەۆتىڭ تاپسىرماسى بويىنشا ولارعا بارلىق قاجەتتى كومەك كورسەتىلىپ جاتىر.
"مەكتەپ جاسىنداعى بالالارعا وقۋ جىلىنا دايىندالۋعا كومەك كورسەتىلەدى»، - دەپ حابارلادى اكىمدىك.
الداعى ۋاقىتتا ءورتتىڭ شىعۋ سەبەپتەرى انىقتالىپ، كوميسسيا قورىتىندىسى شىققان سوڭ تۇرعىندارعا باسپانا بەرۋ ماسەلەسى بويىنشا شەشىم قابىلدانادى.
"ادىرنا" ۇلتتىق پورتالى.
