Бүгін Алматы қаласы Жетісу ауданы Ақтолқын көшесіндегі көпқабатты үй өртенді. Қазір өрттің себептерін тексеру жұмыстары Алматы қаласының әкімінің жеке бақылауында деп хабарлайды "Адырна" ұлттық порталы.
Алматы қалалық әкімдігінің баспасөз қызметі мәлімдегендей, өрттің салдарынан 13 отбасы баспанасыз қалған. Қазір оның жетеуі туыстарының үйлерінде. Ал 6 отбасының 23 мүшесі уақытша қонақүйлерге орналастырылған. Қазір қала әкімі Бақытжан Сағынтаевтың тапсырмасы бойынша оларға барлық қажетті көмек көрсетіліп жатыр.
"Мектеп жасындағы балаларға оқу жылына дайындалуға көмек көрсетіледі», - деп хабарлады әкімдік.
Алдағы уақытта өрттің шығу себептері анықталып, комиссия қорытындысы шыққан соң тұрғындарға баспана беру мәселесі бойынша шешім қабылданады.
"Адырна" ұлттық порталы.
