"تاليبان" قوزعالىسىنىڭ سودىرلارى اۋعانستاننىڭ ەكى ءىرى قالاسىن باسىپ العانىن جاريالادى، - دەپ حابارلايدى “ادىرنا” ۇلتتىق پورتالى Tengrinews.kz سايتىنا سىلتەمە جاساپ.
تاليبان قوزعالىسىنا جوعارعى سوتتىڭ 2005 جىلعى 15 ناۋرىزداعى شەشىمىنە سايكەس قازاقستاندا تىيىم سالىنعان.
"تاليبان" راديكالدى قوزعالىسىنىڭ وكىلى زابيۋللا مۋدجاحەد اۋعانستاننىڭ وڭتۇستىگىندەگى كانداگار پروۆينتسيانىڭ ورتالىعى كانداگار قالاسىن تولىقتاي، سونىمەن قاتار پروۆينتسيانىڭ ورتالىعى گەرات قالاسىن باسىپ العانىن مالىمدەدى. كانداگار - كولەمى جونىنەن ەلدەگى ەكىنشى ۇلكەن قالا، ال گەرات - ءۇشىنشى.
"قانداگار تولىق باقىلاۋدا. مودجاحەدتەر شاحيد الاڭىنا كىردى", - دەپ جازدى زابيحۋللا مۋدجاحەد Twitter-پاراقشاسىندا.
ونىڭ ايتۋىنشا، تالىپتەر تاعايىنداعان گۋبەرناتور حادجي ۆافا ايماقتاعى مىندەتتەرىن ورىنداۋ كىرىسكەن جانە حالىققا ۇندەۋ جاسادى. اۋعانستان شەنەۋنىكتەرى قالانى تالىپتەر باسىپ العانى تۋرالى اقپاراتتى ءالى راستاعان جوق.
گەراتتا تالىپتەر پوليتسيا ءبولىمى، الاڭ مەن اكىمشىلىك عيماراتتى باسىپ العان. كوپتەگەن تەحنيكا مەن قارۋ ولاردىڭ قولىنا تۇسكەن. مودجاحەدتىڭ ايتۋىنشا، ۇكىمەتتىك كۇشتەر شىعىنعا باتىپ، شەگىنىپ جاتىر. ۇرىس ءالى دە جالعاسىپ جاتىر.
سونىمەن قاتار، تالىپتەر گازني، تارينكوت قالالارى مەن گۋزار اۋدانى باسىپ الىنعانىن مالىمدەدى. گازني - 150 مىڭ حالقى بار قالا، ول كانداگار مەن ەلدىڭ استاناسى كابۋل اراسىندا ورنالاسقان. بۇل "تاليبان" شابۋىلىنىڭ ستراتەگيالىق ماڭىزدى نۇكتەسى - ول كابۋلعا تىكەلەي جول اشادى.
بۇعان دەيىن بىرنەشە كۇن ىشىندە "تاليبان" جەتى اۋعان پروۆينتسياسىنىڭ استاناسىن باسىپ العانى تۋرالى حابارلانعان بولاتىن. ءبىر كۇن بۇرىن سولتۇستىك-شىعىستا تاليبان تاجىكستاننىڭ جانىنداعى ستراتەگيالىق ماڭىزدى قالا - كۇندىزدى باسىپ الدى.
