«NUR OTAN» پارتياسى اتىراۋ وبلىستىق فيليالى توراعاسىنىڭ ءبىرىنشى ورىنباسارى تاعايىندالدى

1254
Adyrna.kz Telegram

«Nur Otan» پارتياسى اتىراۋ وبلىستىق فيليالى توراعاسىنىڭ ءبىرىنشى ورىنباسارى بولىپ مەيىرىم قالاۋي تاعايىندالدى.

مەيىرىم قالاۋيدى ۇجىممەن تانىستىرعان «Nur otan» پارتياسى وبلىستىق فيليالىنىڭ توراعاسى، ءوڭىر باسشىسى ماحامبەت دوسمۇحامبەتوۆ الدا اۋقىمدى مىندەتتەر تۇرعانىن اتاپ ءوتىپ، جۇمىسىنا ساتتىلىك تىلەدى.

  • مەيىرىم قالاۋي 1985 جىلى اتىراۋ وبلىسى قىزىلقوعا اۋدانىندا دۇنيەگە كەلگەن. 2006 جىلى «مەملەكەتتىك جانە جەرگىلىكتى باسقارۋ» ماماندىعى بويىنشا ح.دوسمۇحامەدوۆ اتىنداعى اتىراۋ مەملەكەتتىك ۋنيۆەرسيتەتىن، 2010 جىلى رف پرەزيدەنتى جانىنداعى مەملەكەتتىك قىزمەتتىڭ رەسەي اكادەمياسىن تامامداعان. ەكونوميكا عىلىمدارىنىڭ ماگيسترى.
  • ەڭبەك جولىن 2006-2007 جىلدارى «اتىراۋ-اقپارات» كوممۋنالدىق مەملەكەتتىك كاسىپورنىندا باستاعان. 2010-2011 جىلدارى «تۇران» جشس-ءنىڭ ديرەكتورى، "قازاقستان" رترك اتىراۋ وبلىستىق فيليالى ديرەكتورىنىڭ ورىنباسارى - باس رەداكتور بولىپ ەڭبەك ەتكەن.
  • 2011-2012 جىلدارى «اتىراۋ-اقپارات» كمك توراعاسى، 2012-2016 جىلدارى اتىراۋ وبلىستىق جاستار ساياساتى باسقارماسىنىڭ باسشىسى بولىپ قىزمەت اتقاردى. 2016-2019 جىلدارى وبلىس اكىمى اپپارات باسشىسىنىڭ ورىنباسارى، اتىراۋ قالاسى اكىمىنىڭ ورىنباسارى لاۋازىمىندا بولدى.
  • سونداي-اق، ول "Nur Otan" پارتياسى "Jas Otan" جاستار قاناتىنىڭ اتىراۋ وبلىستىق فيليالىنىڭ اتقارۋشى حاتشىسى قىزمەتىن قوعامدىق نەگىزدە اتقارعان.

م.قالاۋي 2019 جىلدان جاڭا لاۋازىمعا تاعايىندالعانعا دەيىن يندەر اۋدانىنىڭ اكىمى بولىپ جۇمىس ىستەگەن.

ايتا كەتۋ كەرەك، بۇعان دەيىن «Nur Otan» پارتياسى اتىراۋ وبلىستىق فيليالى توراعاسىنىڭ ءبىرىنشى ورىنباسارى بولعان نۇرلىبەك وجاەۆ قازىرگى تاڭدا قر پارلامەنتى ءماجىلىسىنىڭ دەپۋتاتى.

پىكىرلەر