«Nur Otan» partııasy Atyraý oblystyq fılıaly tóraǵasynyń birinshi orynbasary bolyp Meıirim Qalaýı taǵaıyndaldy.
Meıirim Qalaýıdy ujymmen tanystyrǵan «Nur otan» partııasy oblystyq fılıalynyń tóraǵasy, óńir basshysy Mahambet Dosmuhambetov alda aýqymdy mindetter turǵanyn atap ótip, jumysyna sáttilik tiledi.
- Meıirim Qalaýı 1985 jyly Atyraý oblysy Qyzylqoǵa aýdanynda dúnıege kelgen. 2006 jyly «Memlekettik jáne jergilikti basqarý» mamandyǵy boıynsha H.Dosmuhamedov atyndaǵy Atyraý memlekettik ýnıversıtetin, 2010 jyly RF Prezıdenti janyndaǵy memlekettik qyzmettiń Reseı akademııasyn támamdaǵan. Ekonomıka ǵylymdarynyń magıstri.
- Eńbek jolyn 2006-2007 jyldary «Atyraý-Aqparat» kommýnaldyq memlekettik kásipornynda bastaǵan. 2010-2011 jyldary «Turan» JShS-niń dırektory, "Qazaqstan" RTRK Atyraý oblystyq fılıaly dırektorynyń orynbasary - bas redaktor bolyp eńbek etken.
- 2011-2012 jyldary «Atyraý-Aqparat» KMK tóraǵasy, 2012-2016 jyldary Atyraý oblystyq jastar saıasaty basqarmasynyń basshysy bolyp qyzmet atqardy. 2016-2019 jyldary oblys ákimi apparat basshysynyń orynbasary, Atyraý qalasy ákiminiń orynbasary laýazymynda boldy.
- Sondaı-aq, ol "Nur Otan" partııasy "Jas Otan" jastar qanatynyń Atyraý oblystyq fılıalynyń atqarýshy hatshysy qyzmetin qoǵamdyq negizde atqarǵan.
M.Qalaýı 2019 jyldan jańa laýazymǵa taǵaıyndalǵanǵa deıin Inder aýdanynyń ákimi bolyp jumys istegen.
Aıta ketý kerek, buǵan deıin «Nur Otan» partııasy Atyraý oblystyq fılıaly tóraǵasynyń birinshi orynbasary bolǵan Nurlybek Ojaev qazirgi tańda QR Parlamenti Májilisiniń depýtaty.
