10 تامىز — اباي كۇنىنە وراي اقتاۋدا اقىن ەسكەرتكىشىنە گۇل شوقتارى قويىلدى دەپ حابارلايدى "ادىرنا" ۇلتتىق پورتالى.
شاراعا وبلىس اكىمىنىڭ ورىنباسارى گ.قالمۇراتوۆا، اقتاۋ قالاسى اكىمىنىڭ ورىنباسارى ءا.بايپاقوۆ، قالالىق «Nur Otan» پارتياسى توراعاسىنىڭ ءبىرىنشى ورىنباسارى ا.شامشادينوۆا جانە وزگە دە زيالى قاۋىم وكىلدەرى قاتىستى.
ۇلى اقىننىڭ ەسىمىن ۇلىقتاۋ ماقساتىندا 2020 جىلى مەملەكەت باسشىسى قاسىم-جومارت توقاەۆتىڭ تاپسىرماسىمەن ۇكىمەت 10 تامىز - اباي كۇنىن بەلگىلەپ، ەلىمىزدىڭ اتاۋلى مەرەكەلەر تىزبەسىنە ەنگىزگەن بولاتىن.
بۇگىندە ابايدى ۇلتىمىزدىڭ رۋحاني رەفورماتورى، الەمدىك دەڭگەيدەگى كەمەڭگەرى رەتىندە تەڭدەسسىز شىعارمالارى ناسيحاتتالىپ ءجۇر. ال اقىننىڭ ولەڭدەرى مەن قارا سوزدەرى، فيلوسوفيالىق تولعامى وزەكتىلىگىن جويماعان، بۇگىنگە دەيىن ۇرپاقتان-ۇرپاققا مۇرا بولىپ كەلەدى.
ءىس-شاراعا كەلگەن زيالى قاۋىم وكىلدەرى اباي بيىگىنىڭ ەشقاشان الاسارمايتىنىن جەتكىزدى.
سونىمەن قاتار اباي كۇنىنە ارنالعان شارالار اياسىندا اباي اتىنداعى مادەني-دەمالىس كەشەنىندە «اقتاۋ سازى» فولكلورلىق ءانسامبلىنىڭ شىعارماشىلىق كونتسەرتى ءوتتى.
تاۋەلسىزدىكتىڭ 30 جىلدىعى اياسىندا اباي كۇنىنە وراي وتكەن «اقتاۋ سازى» فولكلورلىق ءانسامبلىنىڭ كونتسەرتىندە حالقىمىزدىڭ، سونىڭ ىشىندە ابايدىڭ شىعارمالارى شىرقالدى.
"ادىرنا" ۇلتتىق پورتالى.
