10 tamyz — Abaı kúnine oraı Aqtaýda aqyn eskertkishine gúl shoqtary qoıyldy dep habarlaıdy "Adyrna" ulttyq portaly.
Sharaǵa oblys ákiminiń orynbasary G.Qalmuratova, Aqtaý qalasy ákiminiń orynbasary Á.Baıpaqov, qalalyq «Nur Otan» partııasy tóraǵasynyń birinshi orynbasary A.Shamshadınova jáne ózge de zııaly qaýym ókilderi qatysty.
Uly aqynnyń esimin ulyqtaý maqsatynda 2020 jyly Memleket basshysy Qasym-Jomart Toqaevtyń tapsyrmasymen Úkimet 10 tamyz - Abaı kúnin belgilep, elimizdiń ataýly merekeler tizbesine engizgen bolatyn.
Búginde Abaıdy ultymyzdyń rýhanı reformatory, álemdik deńgeıdegi kemeńgeri retinde teńdessiz shyǵarmalary nasıhattalyp júr. Al aqynnyń óleńderi men qara sózderi, fılosofııalyq tolǵamy ózektiligin joımaǵan, búginge deıin urpaqtan-urpaqqa mura bolyp keledi.
Is-sharaǵa kelgen zııaly qaýym ókilderi Abaı bıiginiń eshqashan alasarmaıtynyn jetkizdi.
Sonymen qatar Abaı kúnine arnalǵan sharalar aıasynda Abaı atyndaǵy mádenı-demalys kesheninde «Aqtaý sazy» folklorlyq ansambliniń shyǵarmashylyq konerti ótti.
Táýelsizdiktiń 30 jyldyǵy aıasynda Abaı kúnine oraı ótken «Aqtaý sazy» folklorlyq ansambliniń konertinde halqymyzdyń, sonyń ishinde Abaıdyń shyǵarmalary shyrqaldy.
"Adyrna" ulttyq portaly.
