برازيليانىڭ بايىرعى تۇرعىندارىنىڭ قۇقىقتارىن قورعايتىن APIB ۇيىمى گااگاداعى حالىقارالىق قىلمىستىق سوتقا ەل پرەزيدەنتى دجەير بولسونارانى گەنوتسيد ءۇشىن جاۋاپقا تارتۋدى سۇرادى. بۇل تۋرالى Al Jazeera جازدى، دەپ حابارلايدى «ادىرنا» ءتىلشىسى.
قۇقىق قورعاۋشىلار ساياساتكەردىڭ 2019 جىلدان بەرى ەتنيكالىق ازشىلىقتارعا قارسى «ايقىن، جۇيەلى جانە قاساقانا ساياسات» جۇرگىزگەنىن العا تارتىپ وتىر.
ۇيىمنىڭ قۇقىقتىق ماسەلەلەر جونىندەگى ۇيلەستىرۋشىسى ەلوي تەرەنا برازيليانىڭ سوت جۇيەسى بۇل وقيعالاردى ءوز بەتىنشە زەرتتەي المايتىندىقتان، حالىقارالىق قاۋىمداستىقتان كومەك سۇراپ وتىرعانىن ايتتى.
«ءبىز برازيليادا ادامزاتقا قارسى قىلمىستار، گەنوتسيد، ەكوتسيد بولىپ تابىلاتىن ارەكەتتەر جاسالىپ جاتىر دەپ ەسەپتەيمىز»، — دەدى ول.
«ادىرنا» ۇلتتىق پورتالى
