شىعىس انگليا ۋنيۆەرسيتەتىنىڭ نوريدج مەديتسينالىق مەكتەبىنىڭ پروفەسسورى پول حانتەر بولاشاقتا COVID-19 جاي عانا "تۇماۋ" بولادى دەپ مالىمدەدى. بۇل تۋرالى The Spectator جۋرنالىندا جاريالانعان ماقالادا ايتىلعان.
بريتاندىق پروفەسسوردىڭ ايتۋىنشا، SARS-CoV-2 ەشقايدا كەتپەيدى جانە ادامزات ونى بىرنەشە رەت جۇقتىرۋى مۇمكىن. ول كارانتين جويىلعاننان كەيىن، ۇلىبريتانياداعى جاعدايلاردىڭ كۇندەلىكتى ءوسۋى كوپ ۇزاماي تومەندەي باستايتىنىن جەتكىزدى.
«جاڭا شتامدار پروبلەمالارعا تولى. ولار الدەقايدا جۇقپالى نەمەسە باسىم يممۋنيتەتتى اينالىپ وتەدى. الايدا، دەلتا شتامى ۆيرۋستىڭ اقىرعى مەجەسى بولا الادى دەپ سەنۋگە نەگىز بار", — دەيدى حانتەر.
«ادىرنا» ۇلتتىق پورتالى
