قازاقستاندا تولىق گەنومدىق سەكۆەنيرلەۋ ناتيجەسىندە كوروناۆيرۋستىق ينفەكتسيانىڭ «وميكرون» شتاممى ۆيرۋسىنىڭ اينالىمى انىقتالىپ، ونىڭ 0,5%-دا «تسەربەر» سۋبگەنەتيكالىق جەلىسى تابىلدى. بۇل تۋرالى دەنساۋلىق ساقتاۋ مينيسترلىگىنىڭ ءباسپاسوز قىزمەتى جازدى، دەپ حابارلايدى «ادىرنا» ءتىلشىسى.
قازىرگى ۋاقىتتا مۋتاتسيالانعان «تسەربەر» 65-تەن استام ەلدە، سونىڭ ىشىندە رەسەي فەدەراتسياسىندا، اقش-تا، ەۋروپا ەلدەرىندە انىقتالدى.
«جاڭا «تسەربەر» شتاممىنىڭ بەلگىلەرى وميكروننىڭ بۇرىنعى كىشى تۇرلەرىنەن ايتارلىقتاي ەرەكشەلەنبەيدى. اۋرۋ كوبىنەسە ءجىتى رەسپيراتورلىق اۋرۋدىڭ جەڭىل تۇرىندە بولادى. قىزۋدىڭ كوتەرىلۋى، بۋىن اۋرۋى، ازداپ مۇرىننان سۋ اعۋ، السىزدىك بولۋى مۇمكىن، كەيبىرەۋلەرىندە ىشەك اۋرۋلارى بولادى. شتامم تەز جۇعۋىمەن ەرەكشەلەنەدى، الايدا اسا قاۋىپتى ەمەس»،— دەپ ەسكەرتەدى قر دسم سانيتاريالىق-ەپيدەميالىق باقىلاۋ كوميتەتى.
