«كوروناۆيرۋس پاندەمياسىمەن بايلانىستى جاعدايعا قاراماستان كاسىپكەرلىكتى دامىتۋ باعىتىندا بەلسەندى جۇمىس جۇرگىزدىك. وعان شاعىن جانە ورتا بيزنەس سالاسىنداعى نەگىزگى كورسەتكىشتەر بويىنشا وڭ ديناميكا دالەل بولا الادى. 2021 جىلدىڭ 5 ايىنىڭ قورىتىندىسىندا وڭىردەگى جۇمىس ىستەپ تۇرعان شاعىن جانە ورتا بيزنەس سۋبەكتىلەرىنىڭ سانى 2 پايىزعا ارتتى»، - دەدى وبلىس باسشىسى ورتالىق كوممۋنيكاتسيىلار قىزمەتىندەگى ءباسپاسوز، ءماسليحاتىندا.
ونىڭ دەرەگىنشە، بۇگىندە وڭىردە 53,4 مىڭ شاعىن جانە ورتا بيزنەس سۋبەكتىسى جۇمىس ىستەيدى. ولاردا 155,8 مىڭ ادام ەڭبەك ەتەدى.
«پاندەميانىڭ تەرىس ىقپالىنا قاراماستان شوب سۋبەكتىلەرى شىعارىلاتىن ءونىم كولەمىن ساقتاپ قالدى. بۇل 2020 جىلدىڭ قورىتىندىسىندا وڭىرلىك جالپى ونىمدەگى شاعىن جانە ورتا بيزنەس ۇلەسىن 30 پايىزعا دەيىن جەتكىزۋگە مۇمكىندىك بەردى. كاسىپكەرلەردى قولداۋ ءۇشىن بيزنەستى قولداۋعا ارنالعان مەملەكەتتىك جانە وڭىرلىك باعدارلامالار قارقىندى جۇزەگە اسىرىلىپ جاتىر. ماسەلەن، بيىل «بيزنەستىڭ جول كارتاسى -2025» باعدارلاماسى اياسىندا شامامەن 6 ملرد تەڭگە ءبولىندى. ەسەپتى كەزەڭدە 1 002 جوباعا قولداۋ كورسەتىلدى. «قاراپايىم زاتتار ەكونوميكاسى» باعدارلاماسى اياسىندا جالپى سوماسى 50,7 ملرد تەڭگە بولاتىن 304 جوبا ماقۇلداندى. 2016 جىلدا بەرى «اتامەكەن قوستاناي» وڭىرلىك باعدارلاماسى اياسىندا 2 ملرد تەڭگەدەن استام سوماعا 379 جوباعا قولداۋ كورسەتىلدى»، - دەدى ارحيمەد مۇحامبەتوۆ.
