وبلىستىق توتەنشە جاعدايلار دەپارتامەنتى مەن ءبىلىم بەرۋ باسقارماسى «جاس قۇتقارۋشى» وبلىستىق سلەتىن وتكىزدى.
جاس ۇرپاقتى تابيعي جانە تەحنوگەندىك سيپاتتاعى توتەنشە جاعدايلارعا دايىنداپ، توتەنشە جاعدايلاردا ارەكەت ەتۋ داعدىلارىن قالىپتاستىرۋعا باعىتتالعان سلەتكە قۇرمانعازى، يساتاي، قىزىلقوعا، جىلىوي اۋداندارىنىڭ كوماندالارى قاتىستى.
10 سىنىپ وقۋشىلارىنان قۇرالعان كوماندالار قايسارلىق پەن تاباندىلىقتى قاجەت ەتەتىن قۇتقارۋشى قىزمەتىنىڭ قيىن جۇمىستارىن تاجىريبە جۇزىندە سەزىنە ءبىلدى.
سلەت «تانىستىرۋ» بايقاۋىمەن باستالدى. سودان سوڭ «سۋ ايدىنىنداعى قۇتقارۋ جۇمىستارى» جانە دە شارتتى زارداپ-شەگۋشىنى قۇتقارۋ، ياعني «وتكەل» سايىستارى ءوتتى. ودان كەيىنگى كەزەڭدەر «ءورت ءسوندىرۋ ەستافەتاسى»، «گازەت-جارناما قالقانى»، «دارىگەرگە دەيىنگى العاشقى مەديتسينالىق كومەك كورسەتۋ» سىندارى بويىنشا ءوتتى. تارتىستى وتكەن جارىستىڭ قورىتىندىسىندا كوماندالىق ەسەپتە جۇلدەلى ءبىرىنشى ورىندى قىزىلقوعا اۋدانى، ەكىنىشى جانە ءۇشىنشى ورىندى قۇرمانعازى، يساتاي اۋداندارى ءبولىستى.
اتىراۋ وبلىسىنىڭ توتەنشە جاعدايلار دەپارتامەنتى قىزمەتكەرلەرى جاستارعا ساتتىلىك تىلەدى.
