قىزمەتى تەگىن: اتىراۋدا العاشقى ماممولوگيالىق ورتالىق اشىلدى

1099
Adyrna.kz Telegram

مەديتسينالىق مەكەمە جىلىنا 8 مىڭعا دەيىن ايەلدى ونكولوگيالىق اۋرۋلارعا تەكسەرۋگە مۇمكىندىك بەرەدى، دەپ حابارلايدى اتىراۋ وبلىسى دەنساۋلىق ساقتاۋ باسقارماسىنىڭ ءباسپاسوز قىزمەتى.

بۇگىن، 25 ماۋسىمدا ەلىمىزدىڭ باس ونكولوگى ديليارا قايداروۆا مەن اتىراۋ وبلىسىنىڭ اكىمى ماحامبەت دوسمۇحامبەتوۆتىڭ قاتىسۋىمەن العاشقى ماممولوگيالىق ورتالىقتىڭ اشىلۋى ءوتتى. مەديتسينالىق مەكەمەنى تەحنيكالىق جابدىقتاۋ تولىعىمەن «Olimp Medical Group»جشس ءوز قاراجاتى ەسەبىنەن جۇزەگە اسىرىلدى. ماممولوگيالىق ورتالىق ناۋقاستارعا تەگىن قىزمەت كورسەتەدى.

بۇگىندە اتىراۋ وبلىسى ونكولوگيامەن اۋرۋشاڭدىق بويىنشا 13-ءشى ورىندا، جىل سايىن وڭىردە 700-دەن استام جاڭا ونكولوگيالىق ناۋقاستار انىقتالۋدا. قازىر 4 مىڭعا جۋىق پاتسيەنت وبلىستىق ونكولوگيالىق ديسپانسەردە ەسەپتە تۇر. ءبىرىنشى ستادياداعى ءسۇت بەزى قاتەرلى ىسىگى بار ناۋقاستاردى انىقتاۋ دەڭگەيى وتە تومەن . ەندى جاڭا ورتالىقتىڭ ارقاسىندا اۋرۋدى ەرتە كەزەڭدە انىقتاي الامىز، – دەدى اتىراۋ وبلىستىق دەنساۋلىق ساقتاۋ باسقارماسىنىڭ باسشىسى اسحان بايدۋۆاليەۆ.

ەلىمىزدىڭ باس ونكولوگى ديليارا قايداروۆانىڭ ايتۋىنشا، مۇنداي مامولوگيالىق ورتالىقتاردى اشۋ ايەلدەر اراسىندا سكرينينگ جۇرگىزۋ ساپاسىن جاقسارتۋعا مۇمكىندىك بەرەدى. اتىراۋ وبلىسىندا بۇل قىزمەتتەر مەملەكەتتىك-جەكەمەنشىك ارىپتەستىك اياسىندا كورسەتىلەتىن بولادى. ەندى ءوڭىردىڭ ءاربىر تۇرعىنى تەگىن ماموگرافيادان وتە الادى.

ءبىزدىڭ ەلىمىزدە وسىنداي 23 ماممولوگيالىق ورتالىق اشىلدى. اتىراۋدا اشىلعان «Divera» ورتالىعىندا گورموندىق جانە مولەكۋليارلىق-گەنەتيكالىق زەرتتەۋلەر جۇرگىزۋگە بولاتىن كلينيكالىق-دياگنوستيكالىق زەرتحانا بار. توموسينتەزدىڭ پروتسەدۋراسى ولشەمى 1 مم دەيىنگى قاتەرلى ىسىكتى انىقتاۋعا مۇمكىندىك بەرەدى.بارلىق سۋرەتتەر ونكولوگيا ينستيتۋتىنا قايتا وقۋ جانە ناتيجەلەر ساپاسىن باقىلاۋ ءۇشىن جىبەرىلەتىن بولادى، – دەدى ديليارا قايداروۆا.

ايتا كەتۋ كەرەك، جاڭا ماممولوگيالىق ورتالىقتىڭ جۇمىسى مەديتسينالىق قىزمەتتەردىڭ قولجەتىمدىلىگىن ، ونكولوگيالىق اۋرۋلاردى انىقتاۋدىڭ تيىمدىلىگىن ارتتىرۋعا باعىتتالادى، بۇل ءوز كەزەگىندە اتىراۋ وبلىسىنداعى ايەلدەردىڭ ءومىر ءسۇرۋ ۇزاقتىعىنا وڭ اسەر ەتەدى.

زاماناۋي جابدىقتاردىڭ كومەگىمەن مۇندا جىلىنا 8 مىڭعا دەيىن زەرتتەۋ جۇرگىزۋگە مۇمكىندىك بار. بۇل ونكولوگيالىق اۋرۋلاردى دياگنوستيكالاۋدىڭ ، ءارى قاراي ەمدەۋدىڭ، سايىپ كەلگەندە، ونكولوگيالىق اۋرۋلارمەن اۋىراتىن ناۋقاستاردىڭ ءومىر ءسۇرۋىن ارتتىرۋعا مۇمكىندىك بەرەدى، – دەدى اتىراۋ وبلىسىنىڭ اكىمى ماحامبەت دوسمۇحامبەتوۆ.

ورتالىق نۇرسايا 1 وتكەلى مەكەن-جايىنداعى «Olimp medical» كلينيكاسىنىڭ عيماراتىندا ورنالاسقان.

پىكىرلەر