اتىراۋدا «جاسىل ەل» ەڭبەك جاساقتارىنىڭ ءXVIى ماۋسىمى باستالدى

1416
Adyrna.kz Telegram

بۇگىن اتىراۋدا «جاسىل ەل» XVII ەڭبەك ماۋسىمىنىڭ رەسمي اشىلۋى ءوتتى.

سالتاناتتى اشىلۋ ءراسىمى اتىراۋ وبلىسى جاستار ساياساتى ماسەلەلەرى باسقارماسىنىڭ قولداۋىمەن جاستار ساياباعىندا ءوتتى. شاراعا اتىراۋ وبلىسى اكىمىنىڭ ورىنباسارى باقىتگۇل حامەنوۆا قاتىسىپ، ايماق باسشىسى ماحامبەت دوسمۇحامبەتوۆتىڭ اتىنان «جاسىل ەل» جاستارىنىڭ جۇمىسىنا ساتتىلىك تىلەدى.

– «جاسىل ەل» ەڭبەك جاساقتارىنىڭ  جىل سايىن ماڭىزى ارتىپ، تانىلا تۇسۋدە. 2005 جىلى ەلباسى ن. ءا. نازارباەۆتىڭ باستاماسىمەن قۇرىلعان «جاسىل ەل» باعدارلاماسىنا بيىل 17 جىل تولىپ وتىر. اتىراۋ وبلىسىندا سوڭعى 5 جىلدا 8 مىڭنان استام جاس جۇمىسپەن قامتىلسا، وتكەن جىلى 1 مىڭنان اسا جاس «جاسىل ەل» باعدارلاماسى بويىنشا قىزمەت ەتىپ، ناپاقاسىن تاپتى.  بۇل جوبا – ەڭ تابىستى جانە اۋقىمدى الەۋمەتتىك جوبالاردىڭ ءبىرى. بۇل –  جاستارمەن جۇمىس جاساۋدىڭ وتە ماڭىزدى قۇرالى. ولاردىڭ ءوز وتانىنا دەگەن سۇيىسپەنشىلىگىن وياتىپ، وزدەرىن تۋعان جەردىڭ يەسى  سەزىنۋگە جەتەلەيدى. تازا ەڭبەكپەن ناپاقا تاۋىپ، اتا-انانى قۋانتۋدى دا وسى ەڭبەك جاساعىنداعى العاشقى ەڭبەكتەرى ارقىلى سەزىنە الادى. جۇمىستارىڭا ساتتىلىك تىلەيمىن،  – دەدى باقىتگۇل حامەنوۆا.

بيىل «جاسىل ەل» باعدارلاماسى بويىنشا مىڭنان استام جاس اتىراۋلىق جۇمىسقا ورنالاسادى. 

– جاڭا ماۋسىمعا تىركەۋ ونلاين-رەجيمدە تامىز ايىنىڭ سوڭىنا دەيىن جۇرگىزىلەدى. اتاپ ايتقاندا، جەكە كۋالىك، 20 تاڭبالى «Kaspi Gold» ءنومىرى، سونداي-اق ەگەر  جۇمىسقا تۇرۋشى 18 جاسقا تولماعان بولسا، اتا-اناسىنىڭ رۇقساتى قاجەت بولادى. ەڭبەك ەتۋشى جاستاردىڭ ءبارى  قولعاپتارمەن، بەتپەردەلەرمەن قامتاماسىز ەتىلەدى، قاشىقتىقتى ساقتاي وتىرىپ جۇمىس ىستەيتىن بولادى. ەڭبەك جاساعى ساربازدارىنىڭ جالاقىسى 65 مىڭ تەڭگە بولادى، – دەدى وبلىستىق «جاسىل ەل» ەڭبەك جاساعىنىڭ جەتەكشىسى ابىلاي قۇرمەتۇلى.

 

پىكىرلەر