,,قۇپيا كەشتە".
لەوناردو دا ۆينچي وسى شىعارماسىن دۇنيەگە اكەلۋ ءۇشىن ءۇش جىلىن( 1495-1498) سارپ ەتىپتى. ول سۋرەتتەگى ونداعان ادامداردىڭ ىشىندە يسا پايعامبار مەن يۋدا يسكاريوتتىڭ بەينەسىنە ايرىقشا ءمان بەرگەن ەكەن.
يسا پايعامباردىڭ بەينەسىن جاسايتىن ادامدى شىركەۋ حورىنىڭ جاس انشىلەرىنىڭ ىشىنەن تاۋىپ، ال يۋدانى كەلتىرەتىن ناتۋرششيكتى ءۇش جىلعا جۋىق تابا الماپتى. اقىرى ءبىر كۇنى كەلە جاتىپ ارىقتىڭ ىشىندە جاتقان ءبىر ماسكۇنەمدى جولىقتىرىپ، ىزدەگەنىن تاپقانداي بولادى. ول ادامى ۇزدىكسىز ىشكىلىكتەن ءتۇرى بۇزىلىپ، قارتامىس كورىنگەنىمەن جاس جىگىت ەكەن. لەوناردو ونى وزىمەن بىرگە الىپ كەتىپ، بىردەن يۋدانىڭ بەينەسن شىعارا باستايدى. ءبىرازدان سوڭ ءوزى-وزىنە كەلگەن الگىسى ءوزىنىڭ بۇرىن دا سۋرەتشىگە ناتۋرششيك بولعانىن ايتىپتى.
-قاشان؟- دەيدى تاڭدانعان لەوناردو.
-بۇدان بىرنەشە جىل بۇرىن، مەن شىركەۋدە ءان ايتىپ جۇرگەندە ماعان قاراپ يسانىڭ بەينەسىن شىعارعانسىز،- دەپتى ماسكۇنەم.
سوندا اراق ازعانا جىلدا ادامدى ازدىرىپ، پايعامباردىڭ كەلبەتىنەن ازعىننىڭ بەينەسىنە ءتۇسىرىپ تۇر عوي.
رامازان اجنيازوۆتىڭ
فەيسبۋك پاراقشاسىنان
