بىرىككەن اراب امىرلىكتەرى ء(باا) ءۇش جاستان اسقان بالالارعا قىتايدىڭ Sinopharm ۆاكتسيناسىن قولدانۋعا رۇقسات بەردى، دەپ حابارلايدى “ادىرنا” ۇلتتىق پورتالى Azattyq Rýhy سايتىنا سىلتەمە جاساپ.
ءتيىستى شەشىمدى ءباا دەنساۋلىق ساقتاۋ مينيسترلىگى ابۋ-دابيدەگى 900 ەرىكتىنى سىناقتان وتكىزگەننەن كەيىن قابىلدادى. الايدا، زەرتتەۋ ناتيجەلەرى ءالى جاريالانعان جوق.
ءباا دەنساۋلىق ساقتاۋ مينيسترلىگىنىڭ مالىمەتىنشە، تامىزدىڭ باسىندا حالىقتىڭ 78 پايىزدان استامى - شامامەن 9 ميلليون ادام ۆاكتسينانىڭ العاشقى دوزاسىن الدى. ۆاكتسيناتسيانى 70 پايىزعا اياقتادىق، دەيدى ەل ۇكىمەتى.
ايتا كەتەرلىگى، قازاقستاندا 12 جاستان 18 جاسقا دەيىنگى بالالاردى Pfizer پرەپاراتىمەن ۆاكتسيناتسيالاۋ ماسەلەسى قاراستىرىلۋدا. دەنساۋلىق ساقتاۋ ءمينيسترى الەكسەي تسوي بالالاردى ۆاكتسيناتسيالاۋ تەك اتا-انالاردى تاڭداۋ قۇقىعىمەن ەرىكتى بولاتىنىن اتاپ ءوتتى.
